www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerkiak
Loramendi
1930-1933, 1960

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Olerkiak, Loramendi. Loramendi Kultur Elkartea, 1995

 

aurrekoa  

AITORMENDIA ERESTI

 

 

                «Elduayendar T. Abari

                bere apaizgintzako zillar eztaietan»

                AGUR! — Loramendi A.

 

 

        Noren «Irudi»

        ez galde neri...

Gizon-muxarrak ez dazau.

        Sua ta garra

        kopeta-adarra.

Sua ta garra goiztik-gau.

 

    Ezti-jarioz gandorrak dagerz.

        Aitormendia eresti.

«Aizpa zurien» lizarditxoa

        eztai-jaietan dirudi.

 

        Noren gorespen

        ez dut somatzen...

Yostakin garrak goraka...

        Ta iturrik-itur,

        uso-antzikur,

«Maitagar-aizpak» gar-ondora.

 

    Ipar mearen ega geldiak

eres kixkurra darabil...

Ta «Irudi»-goira, kulun zabunez

laño gorrixtak darortz bil.

 

        Noren «Irudi»

        ez galde neri...

Ibaika sua dario.

        Bekokipea

        suzko labea...

bizitza suak damaio.

 

    Atxon darien iñar-odeiak

«Irudi»-gaña dastalte...

Ta itur-aldetik «Aizpa zuriak»

elur-zugaitza dakarte...

 

        Noren gorespen

        ez dut somatzen...

Gizon-muxarrak ez dazau.

        Txingar urtua

        bere burua...

Oñazkar-bide goiz ta gau.

 

    Oinpetzat odei-matazak dauzka.

Zillar-txuntxurra bakaulki...

Urritz-abarra eskuan tente.

Burestun ordez eguzki...

 

        Noren «Irudi»

        ez galde neri...

Gizon-muxarrak ez dazau...

        Sua ta garra

        kopeta-adarra...

Geroz zutago goiztik gau...

 

    Aurkezten zaio aizpa zuria

elur-zugaitza opari...

Ta Irudi goira txukunki jasoz

eskeintzen dio kantari...

 

        Noren gorespen

        ez dut somatzen...

Garren mototsa goraka.

        Pozaren pozez,

        Irudi aurrez,

Maitagar-aizpak egaka...

 

    Sailka dagertzi... makurtzen dira ...

Txutitu gero batera...

Ta askatuz zillar-ereserkiak

zai daude orain jotzera.

 

        Nolako jotze

        ez dezaioke

gizon-muxarrak atzeman.

        Ekaitz-oroimen

        aldiz zekarren;

elur-maluta bestetan.

 

    Ta arkaitz leiarrak intziraz artuz,

soñu berrira diragi

Ta Aizpa zuriak darantzuiote

eres berriaz kantari:

 

    «Gora bizaitza... euzki anaiak...

Cora bizaitzate... izarrak...

Cora bizaitzate... ur txauak ere.

Cora bizaitza... su-garrak.»

 

        Noren opari

        kantari diran

Gizon-muxarrak ez dazau.

        Txingar urtua

        bere burua,

geroz zutago goiztik-gau.

 

    Entzuki dago eguzki dardar.

Urre boladaz darantzu...

Ta iñoiztik iñoiz arrotu bada

gaurkoan ziñez da arrotu...

 

        Amaitu dute

        ixillaz naste...

Lurtarrak zerbait badakus:

        argi-lorezko

        irripar-gozo

Irudi-goiak darakus.

 

    Ta Aizpa zarrenak lizar orriez

buresten duan bitarte,

berriren Aizpak «Babiloniko»...

eresiari darraite:

 

    «T'oroitu bezin laister zutaz, gure Sion,

negarrari guziok ematen genion»...

    Negar dagite sarats illunak...

Errekak datoz urduri...

Ta arkaitz-gezalak, zugaitz-zaiñak lez,

ezti-malkoa dixuri.

 

        Sua ta garra,

        txingar-aparra

«Irudiari» dario.

        Suzko labea

        bekokipea...

Ezurrak gartu zaizkio.

 

    Azkendu dira gorespen-jaiak...

Badoaz «Aizpak» lerroka...

«Babilon»-eres-oiartzunera

lizarrak zotin-malkoka...

 

        (Begira.)

    Izkutu ziran... Illuna geldi...

Austen da berriz egona...

Ta itur-aldean dantzut alaiki:

«Gaurko Gauaren Gau Ona»...

 

    Izkutu ziran... Ixillak (txint?) gain...

Kulunka daror egona

ta itur aldean berriren berriz

dantzut «Gauaren Gau Ona».

 

        «Tralara, la, la»...

        Auxe, bai, dala

gaurko «Gauaren Gau Ona»...

        Dantzatu gaitez

        Irudi-aurrez,

jainkotu da-ta gizona...

 

    Il da entzuna ta asten da ixilla

darantzuiola zuzmurruz

ta ipar-orratza egati dabil

afal-usaiaz edatuz.

 

        Noren goraltzan

        aparia dan

gizon muxarrak bai digar.

        Jaso begia:

        Aitormendia

«Irudi»-pean su ta gar...

 

    O Irudi garra! eresti-zale

nagokitzu bai zure maitale.

Zure txingarren suak banargi

(deritxat?) izan garren janari.

 

        Noren gorespen

        jaia legiten

gizon-muxarrak ez digar.

        Illuna bada,

        erraiñukada

geroz geiago su ta gar.

 

    Geroz geiago sua ta garra

uxatuz illun egada.

Garren dirdira, Euskal-Erria,

Euskal-Erria esna da.

 

        Urrun doazi

        lerro ta sailki

Aizpak abestuz erdika.

        Ta iturrik-itur,

        uso-antzikur,

zabaltzen dira yauzika.

aurrekoa