www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu-Kristoren imitazionea
Leon Leon
1929

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu-Kristoren imitazionea, Leon Leon. Brepols, 1929

 

 

aurrekoa hurrengoa

35. KAPITULUA

 

Nehor ez dela, bizi deno,
tentazionerik gabe izaiteaz segur.

 

        1. JESUSEK. Nere haurra, mundu huntan nehoiz ez zira maldan; biziak diraukezuno, gudurako zure arima indar beharretan ditake bethi. Etsaiek inguratua zira, eskuin eta ezker zuri aiher daude. Erredola batek bezala pazientziak ez bazitu zaintzen, ez zira zauririk gabe egonen luzaz.

        Bertzalde, zure bihotza ez badaukazu ni baitan itzaturik, eta ez baditutzu oro lañoki jasan nahi nere gatik, gudu bortitz hoik ez ditutzu jasaiten ahalko eta dohatsuen korona ez duzu irabaziren. Jasan beraz oro gizonki, eta esku azkar batekin poxelu guziak baztert zutarik. Garaitzaleari, ezen, diot emaiten zoriona, eta nagia atsegabe handitan dut uzten.

 

        2. Bizi huntako bakea bilhatzen baduzu, bethiereko bakerat nola helduko zira? Ez uste ukan bakea mundu huntan aurki; atsegabeak ba, sar buruan ausarki dituzketzula hek. Bilha egiazko bakea, ez lurrean, bainan zeruan; ez gizonetan, ez eta gauzetan, bainan Jainkoa baitan xoilki.

        Jainkoa maitez, gogotik behar ditutzu jasan oro: neke, oinhaze, tentazione, auhen, herstura, gabezia, eritasun, laido, elhe gaixto, egia samin, ahopaldi tzar, ahalge, erasia, erdeinu. Hoiek zituzte bertutear¡ buruz laguntzen; hoiek, Jesusen soldado frogatzen; hoiek, zeruko zorionaz jabetzen. Neke labur batentzat emanen dut bethiereko saria; ahalge iragankor batentzat negurririk gabeko loria.

 

        3. Zer uste duzu, nere kontsolamenduak zuk nahi bezala ukanen ditutzula bethi? Nere sainduek ere ez dute ez gero holakorik bethi ukan, gudu eta neke hanitz jasan ba. Pazientziarekin diote buru egin, beren indarrer baino gehiago Jainkoari bermatuz: bazakitelakotz lur huntako nahigabeak ez direla zeruko sariaren bethe.

        Askok nigar hanitzen eta lan handien ondotik ardietsi dutena, zer duzu zuk berehala nahi? Igurika zazu Jauna, ar gudukan gogotik eta azkar zite; ez etsi, gibelerat ez egin, bainan Jainkoaren ohoretan higazkitzu bethi zure gorputz arimak. Sari bethea emanen dautzut nik eta atheka gaixto guzietan zurekin izanen niz.

 

aurrekoa hurrengoa