www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Arrats Beran
Estepan Urkiaga, «Lauaxeta»
1935

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Bertsio informatiko honen egilea: Josu Lavin; Urkiola, 1-1C 48990 - Getxo (Bizkaia)

 

aurrekoa hurrengoa

NARKIS

 

Ja-jai,

goiz abil alai!

 

Billoxik noruntz ua mutil?

Altza-peko itturri gardenak

bere txirulak jotzen yozak!

Sugar utsetan berein pipil?

 

Ja-jai,

goiz abil alai!

 

Lamin-batza yagok uretan?

Goxeko axe ozkirrijak

dantzan yarabiltzak lillijak!

Zenbat ispillu zidarretan!

 

Ja-jai,

goiz abil alai!

 

Ur garbijan eure begijok,

ta lorak eure niñi-barnan!

Narkis, jausi-barik errekan

soñoi argijegija baitok!

 

Ja-jai,

goiz abil alai!

 

Itturri-txirulak otsetan!

Begijotan zer daukak mutil?

Muño-ganetan berein pipil,

lorarik ederrena uretan!

 

Ja—jai,

goiz abil alai!

 

aurrekoa hurrengoa