www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ipuin laburrak
Bitor Garitaonandia
1922

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Ipuin laburrak ume txointzat, Bitor Garitaonandia. Editorial Vasca, 1922

 

 

aurrekoa hurrengoa

XVI. TXOMIN GEZURTI

 

        Igande arratzalde batean atera zan Txomin bere aitakin ibilketatxo bat egitera. Guztizko gezurtia zan Txomin ori. Bidean zijoazela, esan zion aitari:

        —Aita: Legezar-zeyan ikusi nuen atzo izugarrizko txakur bat: bazan gutxienez gure zaldi zuria bezin aundiya.

        —Ago ixilik —erantzun zion aitak—, orrela gezurrik esan gabe.

        —Baietz: zuk ez dezu siniztuko, bañan egi-egiya da: ondo begiratu nion.

        —Arritzekua dek.

        —Idi batek bañan indar geiago omen du.

        —Kaiberriko zubia igarotzen degunean jakingo diat egia dan edo ez.

        —Zer ba?

        —Ara: Gezur aunditxoa esaten dutenak zubi ori igarotzean arri bat jo ta eroriaz edo besoa edo iztarra autsita gelditzen ditut.

        —Benetan? Ene!

        Ikaratu zan Txomin, ta onela zion aitari:

        —Itxoin puxka bat, aita. Nola esan dizut len? Orain gogoratzen naiz ondo. Etzan izango gure zaldia bezin aundia: bañan, bai astoa bañan zerbait aunditxoagoa.

        —Baliteket. Laister gaituk zubian —erantzun zion aitak.

        Txomin, zubiari begiratuaz, geroago ta geyago estutzen zan; ta esan zion aitari:

        —Aita: atzo ikusi nuen txakur ori izango zan ba txal txiki baten esterikoa.

        —Bai: gutxienez. Emen dek zubia: gaizki bear dek oraintxen, Txomin —esanda bazijoan aita aurrera.

        Bañan, Txominek, estutasun larriak arturik, eldu zion jaketik, esanaz:

        —Aita, aita, gelditu arren! Geiegizka esan det. Atzoko txakur ori, beste txakur batzuek bezelakua zan.

 

aurrekoa hurrengoa