Seigarren solastaldia

        BASILIO. Miresten zinduen iragan egunean ikhusteaz zenbat on diozkategun zor abere xehe batzuei. Seda pinpiriña bati, eta thindurik ederrena eta perlak marxkor zenbaiti. Bada miresgarriagoa da oraino marmutxa batzuek irakhasten darokutena ematen darokutena baino. Erleak goizetik arrats lanean hari dira nihon gelditu gabe. Ez dute jaten egunean eguneko poxia baizik. Badakite negua ethorriko dela, eta orduan beren kofoinetik ezin ilkhiko direla. Hunela irakhasten darokute lanari hotz-ematen ahal dugunean ezin dukegunekotzat, eta dugunean begiratzen ez dukegunekotzat. Hitz batez, irakhasten darokute langile eta zuhur izaten. Lanetik eta zuhurtasunetik heldu dira aberastasuna eta ongi izatea. Lana da berthute guzien ama, eta alferkeria zabarreria guziena. Guk guziek egin bagineza erleek egiten dutena, bizi gindaiste aingeru batzu bezala.