BERNARDO JAUNARI

                Arkangoitzko Jauregiko seme, Iriburuko Alkate,

                Baionako batzarre andian esertzen dan

                Bernardo Jaunari:

Bernat, joan dan neguan,

biok geundenean

ederki apaldurik

suaren aldean,

egin oi zenduen maiz

eztanda irriaz,

ipui oiek arturik,

zuk irakurriaz.

Nola zerez bait-dezu

belarria fiña,

eta gustoa berriz

da gauza jakiña,

bein baño geiagotan

zure esanakiñ

ipui oiek berriro

oi nituen egiñ.

Ala, onak badira,

zuri zaizkitzu zor,

ez dute, ez, zu beste

jaberika iñor;

egiten dizut bada

beren eskañia,

faltarik badute da

nerea guztia.

Gañera nik izanik

zu adiskidea,

besteri ez liteke

eder eskaintzea.

Bernat, zuk eskañi au

artzen badirazu,

txit mesede andi bat

egingo dirazu,

zeren len adiskide

andiak bagera,

gero andiagoak

gu izango gera.