www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ipuinak
Agustin Paskual Iturriaga
1842

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Ipuinak, Agustin Iturriaga (Antonio Zavalaren edizioa). Auspoa, 1967

 

aurrekoa hurrengoa

TXOARREA ETA ERBIA

 

Arrano batek zuen

erbi bat atzeman,

eta zeukan itotzen

bi atzaparretan;

txoarre batek, ustez

toki segurutik,

oju egiten dio:

«Esaten ez dek ik

ez dala lur gañean

arkitzen mutillik,

lasterka i ainbat

joan ditekeenik?

Orain zertan ago or,

erbitxoa, geldi,

orren mutill ariña

aizen ezkeroz i?».

Onela itz egiten

dion bitartean,

gabiroi bat gañera

dator bat-batean;

artzen du txoarrea,

aren atzaparrak

kentzen diozka bere

burla eta farrak.

Iñork mundo onetan

ez dezake esan:

Ur onetatika nik

ez det bear edan.

Usterik gutxiena

guk degun orduan,

arkitu oi gerade

besteen lekuan. Argatika beñere

zori gaiztokoaz

ez degu egon bear

farraz eta burlaz.

 

aurrekoa hurrengoa