ATOZ...!!

Euzkotaren ikurrin guziz garbia

ni naiz, margo alaiez apain jantzia.

        Ni naiz azkatasuna!

        Atoz menpera

        Euzkadiren zoruna

        iritxitzera.

Nere ondoietako margo gorriak

Aberria azkatzeko dira ixuriak.

        Alperrikarakoak

        ez dira, izango!

        Bere odol tanteak

        diote emango.

Orlegia da beste nere margoa,

gure mendien margo biotzekoa.

        Itxaropen ikurra

        nik oldoztuta,

        egingo degu agurra

        txit azkatuta.

Beste margoa det nik zuri-zuria

Gurutze Donearen argi irudia.

        Euzkadi'ko mendien

        gallur gañean

        jarritako irudien

        alkar antzean.

Atoz nigana, seme, zintzo bazera!

Batu nere inguruan! Guazen aurrera!

        Laxter degu azkatuta

        gure Aberria,

        oraindaño lotuta

        zuk ikusia.

1931-5-16