X. JENOBEBAREN ERIOTZA

Errematia ona eman ziyon

mundu ontako lanari,

barkaziyua eskaturikan

bere gaizkile danari,

bitartekotza eskaturikan

Jaungoikuaren Amari:

alaxen il zan, bere anima

entregatuta Jaunari.

Jendiarentzat guzizkua zan

aren eriyotza ona:

bizi zala ere bazerekiten

birtutetsuba zegona.

Entierruan izandu ziran

ezin konta ala persona...

Jenobeba da santa egiña

Eliz askotan dagona.

Il ta gero ere basauntzatxuak

Jenobebari nai ziyon:

—orregatikan goizero beti

gelara juaten zitzayon—.

Geroztik jaten emanagatik

iñori artzen etziyon...

Sepulturaren gañian il zan...

Araño lagundu ziyon.

Erretratuba sepulturari

jarri ziyoten segiran

baliyo aundiko marmola piñez

—kastatu-bildur etziran—;

basuan ere ermitatxua

—obra onak egin ziran—.

Orra esan Santa Jenobebaren

pasaizuak zer ziran.