www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Gora begira
Paulo Zamarripa
1927

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Gora Begira, Zamarripa abadea. Emeterio Verdes-en Irarkolan, 1927

 

 

aurrekoa hurrengoa

EZIN GORAGO

 

                (Gonzáles Tablas Santiagori

                il zanetik urtebete garrenean).

 

Bildurra zer dan eztakizula

ibili zara, Santiago,

ta eriotzea ezautu dozu

bildurra baño lenago.

Bai. Zeure gorputz eregiaren

bizia baño geyago

maite izan dozu España andian

bizia, ta orra illik dago...

zeure etseko ta zeure adizkide

maite onegandik asago...

España-erria zabaltzen daula

berori daon baño arago.

 

Gorputza yausi yatzun lekuan

ikusten naola ta nago

zure biotza, larri dagola...

o ezin ezin larriago!...

moro-artetik aurrera aurrera

nondik gorputza eroango,

nondik España zabalao eingo,

nondik eingo au andiago.

 

              * * *

 

Naikoa egin dau zure gorputzak;

ezin eikean geyago;

ta zure izenak ezin igon lei

igon daun baño gorago.

 

Zure arima ta gorputza baten

ezautu dodaz, Santiago;

ta Euskera ezautzen neugaz zeu asi

ziñeanetik geyago,

zeure arpegian zeure arimea

ikusten naola ta nago,

malmuzkeririk bape eztozula,

argia baño argiago...

Baña urrunetik ikusten nao ta

nire miña onetan dago.

 

              * * *

 

A, baña uste dot ikusitea

olan baño askoz urrago...

zeruan berton, zeure izen andi

andia baño gorago!...

 

                        1923-ko Mayatzean

 

aurrekoa hurrengoa