www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu-Kristoren imitazionea
Mixel Xurio
1720

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu-Christoren imitacionea, Michel Chourio (faksimilea). Hordago, 1978

 

 

aurrekoa hurrengoa

XVIII. KAPITULUA

 

Pazienki behar tugula sofritu munduko lazeriak Jesus-Kristok bezala.

 

JESU-KRISTOK

        1. Ene semea, zure salbamenduagatik zerutik iautsi naiz, eta kargatu naiz zure miseriez, ez baitezpada hala beharrez; baiñan zure ganako amudio phuruz, ikhas dezazuntzat pairatzen, eta bihotz onez mundu huntako atsekabeen iasaten.

        Ezen sortu nintzen pontutik gurutzean hil naizen oreneraiño ez naiz izatu dolore gabe.

        Bizi izatu naiz gauza guzien beharrean, aditu ditut maiz ene kontrako iroi, eta errenkura iniustuak, eztiki pairatu ditut desohoreak, eta laidoak.

        Ene ungi egiñak esker gaitzez pagatuak izatu dire.

        Ene mirakuilluak blasfemioz, eta ene doktrina afruntuz eta mehatxuz.

 

ARIMAK

        2. Jauna zure bizitzean haiñ pazient izatu zarenaz geroztik, eta pontu hortan guziz zure aitaren, ordenuak konplitu tutzunaz geroztik; iustu da nik zeiña bainaiz bekhatore dohakabe bat pazienki iasan detzadan atsekabeak eta zuk nahi duzun bezanbat denboraz garraia dezadan ene salbamendukotz bizitze flako, eta galkor hunen karga pisua.

        Ezen bizitze hau pisu eta penagarri delarik zure graziak egiten du merezidun, eta zure sindu guzien exenpluak etsitzen tu, eta ohoragarri errendatzen mundu huntako sofrikariak.

        Konsolazione gehiago ere dugu orai lege zaharrean baiño, zeiñetan zeruko athea hertsia baitzen, eta harako bidea gutiago ezagutua noiz eta ere haiñ gutik baitzuten artha bide haren bilhatzeko.

        Orduan iustu zirenak ere eziñ sar zitezken zeruko erresuman, zeren hango athea eziñ idek baitziteken zure pasioneko doloreez, eta zure heriotzearen merezimenduez baizen.

 

        3. Zer esker eta ezagutza eztarotzut beraz zor niri, eta fidel guziei egiñ darokuzun graziaz zure erresuman sartzeko haiñ bide zuzena, eta segura erakutxi darokunaz geroz.

        Ezen zure bizitzea gure bidea da, eta pazienziaren medioz goaz zure ganat, zeiña baitzare gure khoroa, eta golardoa.

        Zu zeroni ezpaziñe abiatu gure aitziñean, zuk ezpaziñaroku erakutxi bide hura nor sartuko zen sofrikarien bidean.

        Zenbat lagozke gibelat, eta hagitz urrun zure exenplu ederrak ezpalituzte begien aitziñean.

        Eta hanbat mirakuillu, eta instrukzioneen ondoan ephel, eta nagi bagare; zer liteke bada argi diztiant haren laguntza ezpagindu zuri iarraikitzeko.

 

aurrekoa hurrengoa