SEIGARREN KAPITULUA

Iaunak erreberritzen ditu bere promesak

Israeleko haurren librantzaz.

6 Egortzen du berriz Moise hekiengana,

9 bañan eztute entzuten.

11 Hargatik pretenitzen du eskusatzera

bere burua Iaunaren baithan presentatzeaz

gehiago Faraonen aitziñean.

16 Moisen, Aaron eta bertze

Lebi famillen ienerazionea.

        1. Eta Eternalak erran zioen Moisi orai ikhusiko duk zer egiñen diodan Faraoni: ezen utziko tik goatera bortxatua izanik esku borthitzez, bai bortxatua izaturik esku borthitzez khasatuko tik bere herritikan.

        2. Gehiago Iainkoa mintzatu zitzaion Moisi, eta erran zioen, Eternala nauk ni.

        3. Agertu niatzaiotek Iainko borthitz guziz puxanta bezala Abrahan, Isaak, eta Iakobi: bañan ez nauk ezagutua izatu hetaz ene izen Eternalaren bidez.

        4. Eta ezarri diat ene alientzia ere hekiekien, hei ematekotzat Kanaango herria, zeña baita hekien pelegrinkeria herria, non egotu izan baitire arrotz bezala.

        5. Entzun ere baitiat Israeleko haurren nigar-auhenak, ejiptuarrak gathiba zitezen eta orhoitu izan nauk ene alientziaz.

        6. Hargatikan erran diozotek Israeleko haurrei, ni nauk Eternala, eta atheratuko zaituztet ejiptuarren kargen azpitikan, eta libratuko zaituztet gathibutasunetik, eta erreskatatuko zaituztet beso hedatu batekien, eta iuiamendu handiekiñ.

        7. Eta hartuko zaituztet niri izatekotzat poblu, eta izango natzaitzue Iainko, eta ezagutuko duzue Eternal zuen Iainkoa naizela, ejiptuarren kargen azpitikan atheratzen zaituztena.

        8. Gero sarraraziko zaituztet herrian zeñarengatik altxatu baitut ene eskua, emanen nioela hura Abrahan, Isaak, eta Iakobi, eta emanen darotzuet ontasuntzat: Eternala nauk.

        9. Moise beraz mintzatu zitzaioten traza hortan Israeleko haurrei, bañan etzuten entzun izatu Moise bere Izpirituko aflikzionea zela kausa, eta gathibutasun gogorra zela kausa.

        10. Eta Eternala mintzatu zitzaion Moisi, ziotsala,

        11. oha eta mintza akio Farao Ejiptuko Erregeri, utz detzala ilkhitzera Israeleko haurrak bere herritik.

        12. Orduan Moise mintzatu zen Eternalaren aitziñean, ziotsala, horra, Israeleko haurrek ez niautek entzun izatu eta nola entzunen nau Faraonek ni ezpañez trebe ez naizena?

        13. Guziarekiñ ere Eternala mintzatu zitzaioten Moisi eta Aaroni, eta eman zioten Israeleko haurrenganako eta Farao Ejiptuko Erregerenganako manua, atheratzekotzat Israeleko haurrak Ejiptuko herritikan.

        14. Hunako hauk dire bere aiten etxetako buruak. Ruben Israelen lehensorthuaren haurrak, Henok eta Pallu, Hetsron eta Karmi. Horiok dire Rubenen famillak;

        15. eta Simeonen haurrak, Iemuel Iamin, Ohad, Iakin, Tsohar, eta Szaul emazte kananear baten Semea. Horiok dire Simeonen famillak.

        16. Eta hunako hauk dire Lebiren haurren izenak bere ienerazioneen arabera, Gerszon, Kehath, eta Merari. Eta Lebiren bizi urtheak izatu ziren ehun eta hogoi eta hamazazpi urthe.

        17. Gerszonen haurrak, Libni eta Szimhi bere famillen arabera.

        18. Eta Kehathen haurrak, Hamram, Jitshar, Hebron eta Huziel. Eta Kehathen bizi urtheak izatu ziren ehun eta hogoi eta hamahirur urthe.

        19. eta Merariren haurrak Mahli eta Muszi; horiok dire Lebiren famillak bere ienerazioneen arabera.

        20. Hamramek bada hartu zuen Iokebed bere izeba emaztetzat, zeña erdi baitzitzaion Aaron eta Moisez. Eta Hamramen biziaren urtheak izatu ziren ehun eta hogoi eta hamazazpi urthe.

        21. Eta Jitsharen haurrak, Kore, Nefeg, eta Zikri.

        22. Eta Huzielen haurrak Miszael, Eltsafan eta Sithri.

        23. Eta Aaronek hartu zuen emaztetzat Eliszebah Hamminadaben alaba, Nahasonen arrebarena, zeña erdi baitzitzaion Nadabez, Abihuz, Eleazarez eta Ithamarez.

        24. Eta Koreren haurrak, Asir, Elkana eta Abiasaf. Horiok dire koritarren famillak.

        25. Bañan Eleazar Aaronen semeak hartu zuen beretzat emaztetzat Putielen alabetarik bat, zeña erdi baitzitzaion Fineesez. Horiok dire lebitarren aiten buruak bere famillen arabera.

        26. Hori da bada Aaron hura eta hori da Moise hura, zeñei Eternalak erran baitzioten, erretira tzazue Israelen haurrak Ejiptutik: bandaz banda.

        27. Horiok dire mintzatzen zitzaizkonak Farao Ejiptuko Erregeri, erretiratzeko Israelen haurrak Ejiptutik: hori da Moise hura eta hori da Aaron hura.

        28. Gerthatu zen beraz Ejiptuko herrian Eternala Moisi mintzatu zitzaion egunean,

        29. Eternala, diot, Moisi mintzatu zitzaion orduan, ziotsala, ni nauk Eternala; errotzik Farao Ejiptuko Erregeri nik hiri erran darozkiadan hitz guziak

        30. Orduan Moisek erran zuen Eternalaren aitziñean, horra, ez nauk trebe ezpañez, eta nola Faraok entzunen nau?