www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ethorkia eta Ilkhitzea
Pierre Urte
c. 1700; 1894

      [liburua osorik RTF formatuan]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: The earliest translation of the Old Testament into the basque language (a fragment), Pierre d'Urte (Llewelyn Thomas-en edizioa). Oxford, at the Clarendon Press, 1894.

 

 

aurrekoa hurrengoa

HAMASEIGARREN KAPITULUA

 

Sarai agorrak ematen dio emaztetzat
Abrani Agar bere neskatoa.
4 Agarrek, konzebitu eta arbuiatzen du bere andrea.
3 Zeñetaz gaizki tratatua izanik ihesi goaten baita.
7 Bañan bihurtu eta aingeruaren abisu eta
promesaren arabera, erditzen zaio Ismaelez Abrani
laurhogoi eta sei urtheren adiña duenari.

 

        1. Saraik bada Abranen emazteak etzioen egiñ haur batere: bañan bazuen neskato bat ejiptuarra Agar zeritzana.

        2. Hala erran zioen, horra orai Eternalak debekatu niauk haur egitetik, athor, othoizten aut, ene neskatoagana, benturaz haurkasta izango diat haren bidez eta Abranek obeditu zioen Sarairen hitzari.

        3. Sarai Abranen emazteak bada hartu zuen Agar bere neskato ejipziarra eta eman zioen emaztetzat Abram bere senharrari, hamar urthez Kanaango herrian egotu ondoan.

        4. Ethorri zen bada Agargana, zeñak kontzebitu baitzuen eta ikhusirik kontzebitu zuela, mesprezio egin zuen bere Andreaz.

        5. Orduan Saraik erran zioen Abrani, egiten darotaten injuria hire gañera heldu duk: neure neskatoa ematen daroat hire galtzarbean: bañan ikhusi dik kontzebitu zuela, horrengatik mesprezio egiten dik nitaz. Eternalak iuiatzen dik ene eta hire artean.

        6. Orduan Abranek ihardetsi zioen Sarairi, horra hire neskatoa heure eskuan dun, egin dion nahi dunan bezala. Saraik bada aflijitu zuen haña eta ihesi goan zen haren aitziñetikan.

        7. Bañan Eternalaren aurkhitu izan zuen haña ithurri ur baten aldean, desertuan, Szurreko bidean den ithurriaren ondoan.

        8. Hala erran zioen, Agar Sarairen neskatoa, nondik heldu aiz? eta norat oha? eta ihardetsi zuen, ihesi nihoak Sarai ene etxeko andrearen aitziñetik.

        9. Eta Eternalaren aingeruak erran zioen, bihur adi hire etxeko andreagana, eta humilia adi haren azpian.

        10. Gehiago Eternalaren aingeruak erran zioen, berretuko diat hagitz hire ondorea: halako maneraz non ezin kondatuko baita hañ haundia izanen duk.

        11. Eternalaren aingeruak erran zioen oraño horra, kontzebitu dun, eta erdiko aiz seme batez, zeñaren izena deithuko baithun Ismael: ezen Eternalak entzun diñ hire aflikzionea.

        12. Eta haña izanen dun gizona basa astoa: horren eskua izanen dun batbederaren kontra, eta batbederaren eskuak horren kontra: bere anaia guzien eskoñean egongo da.

        13. Hark bada deithu zuen Eternalaren izen hari minzatzen zitzaiona, bisioneko Iainko borthitza aiz hi. Ezen erran zuen eztut nik oraño ikhusi hemen ni ikhusten ninduenaren ondoan?

        14. Hargatik deithu zuten phutzu hori, bizi den ni ikhusten nauenaren phutzua, zeña baita Kades eta Bereden artean.

        15. Agarrek bada egin zioen seme bat Abrani. eta Abranek deithu zuen bere seme Agarrek egin zioenaren izena Ismael.

        16. Eta Abranek laur hogoi eta sei urtheren adiña zuen, Agar Ismelez erdi izan zitzaion orduan.

 

aurrekoa hurrengoa