www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ethorkia eta Ilkhitzea
Pierre Urte
c. 1700; 1894

      [liburua osorik RTF formatuan]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: The earliest translation of the Old Testament into the basque language (a fragment), Pierre d'Urte (Llewelyn Thomas-en edizioa). Oxford, at the Clarendon Press, 1894.

 

 

aurrekoa hurrengoa

HAMAHIRURGARREN KAPITULUA

 

Abram eta Lot Ejiptutik bihurtu eta
apartatzen dire bata bertzeaganik.
10 Lot erretiratzen da Sodoma aldera.
12 Bañan Abram egoten da Kanaaneko herrian
14 zeña berriz prometatua baitzaio Iaunaz

baita ondore handi bat ere.

 

        1. Abram bada igan izan zen Ejiptutik eguberdi aldera, hura, haren emaztea, eta haren ziren gauza guziak, eta Lot harekiñ.

        2. Eta Abram puxant egin zen abrebestietan, zillhar eta urretan.

        3. Eta bihurtu izan zen eguberdiko bidetarik Beth-Elat, haren tabernakleak egiñ izatu ziren lekhura hastean Beth-El eta hai artean,

        4. aldarea zen lekhuan zeña lehenik egin baitzuen han: eta han Abranek othoiztu zuen Eternalaren izena.

        5. Lotek ere zeña baitzebillan Abranekiñ, bazituen ardiak, idiak eta tabernakleak.

        6. Eta Lurrak eziñ ekhar zetzakeen hañak elkharrekiñ egoteko: ezen hekien ontasunak haundiak ziren, halako maneraz non eziñ egon baitzitezken elkharrekiñ.

        7. Hargatikan mobitu zen disputa Abranen arthaldearen artzañen artean, eta Loten arthaldearen artzañen artean. Eta orduan zeudezen kananearrak eta feresiarrak herrian.

        8. Eta Abranek erran zioen Loti, othoizten aut, ezten disputarik ene eta hire artean, ez eta ene eta hire artzañen artean ere, ezen anaiak gaituk.

        9. Herri guzia ezta hire manuko? aparta adi, othoizten aut, eneganikan. Ezkerra agradatzen bazaik, goanen auk eskuñera: eta eskuña agradatzen bazaik, goanen auk ezkerrera.

        10. Lotek beraz bere begiak altxatu eta ikhusi izan zuen Iordango plano guzia zeña baitzen [Eternanalak Sodoma eta Gomorra hondatu baño lehenago] ihinztatua alde guzietarik Tsoharrat ethor adiñ arteraño, Eternalaren baratzea bezala, eta Ejiptuko herria bezala.

        11. Eta Lotek hautatu zuen beretzat Iordango plano guzia, eta goan izan zen oriente aldera: hala apartatu izan ziren bata bertzeaganik.

        12. Abram bada egotu zen Kanaango herrian, eta Lot egotu izan zen planoko hirietan eta han xuxendu zituen bere tabernakleak Sodomaraño.

        13. Bañan ziren Sodomako iendeak gaxtoak eta hagitz bekhatoreak Eternalaren kontra.

        14. Eta Eternalak erran zioen Abrani [Lot harenganik apartatu ondoan] altxa tzak orai hire begiak, eta begira zak aizen lekhutikan, setentrion, eguberdi, oriente, eta okzidente aldera.

        15. Ezen emanen daroat hiri, eta hire ondoreari sekulako dakusaan herri guzia.

        16. Hala egiñen diat hire ondorea izanen dela lurreko herrautsa bezala. Nihork konda ahal baldin badeza lurreko herrautsa hire ondorea ere izango duk kondatua.

        17. Altxa adi beraz eta pasaia adi herrian, haren luzetasunean eta haren zabaltasunean: ezen emanen daroat.

        18. Abram beraz, bere tabernakleak aldaratu eta, ethorri zen egotera Mamreko planotara, zeña baita Hebronen eta egin zioen han aldare bat Eternalari.

 

aurrekoa hurrengoa