www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ethorkia eta Ilkhitzea
Pierre Urte
c. 1700; 1894

      [liburua osorik RTF formatuan]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: The earliest translation of the Old Testament into the basque language (a fragment), Pierre d'Urte (Llewelyn Thomas-en edizioa). Oxford, at the Clarendon Press, 1894.

 

 

aurrekoa hurrengoa

SEIGARREN KAPITULUA

 

Gizonak osoki gaxtatu eta, deklaratzen du Iainkoak,
ontzen ezpaldin badire sei hogoi urtheren barnean,
hondatuko duela lurra uholde ieneral baten bidez.
13 Bitartean gizonen hegastiñen eta
lurreko animalia guzien kasta begiratzeko
manatzen du Noe egilera arka bat
ematen dioen moldearen arabera.

 

        1. Gerthatu izantzen bada gizonak lurraren gañean berretzen hasi izantziren orduan eta alabak enjendratu zituzten orduan

        2. Iainkoaren semeek ikhusirik gizonen alabak ederrak zirela, hetarik hartu zituztela emaztetzat beretzat, hautatu zituzten guzietarikan.

        3. Eta Eternalak erran zuen, ene izpirituak eztu atsegiñ hartuko bethi gizonekiñ, ezen haragi dire hekien egunak bada izango dire ehun eta hogoi urthe.

        4. Denbora hartan ziren jigantak lurraren gañean eta oraño Iainkoaren semeak nahastatu ziren ondoan gizonen alabekiñ eta hei haurrez erdi zitzaizkoten ondoan; horiok dire puxantak zeñak bethieretik izatu baitire iende ospea dutenak.

        5. Eta Eternalari, ikhusirik gizonen malezia hagitz zela handia lurraren gañean eta hekien bihotzeko pentsamenduen imajinazione guzia etzela bertzerik gaxtakeria baizen noiz nahi:

        6. Urrikitu zitzaion gizona egiñaz lurrean eta desplazer izatu zuen bere bihotzean.

        7. Eta Eternalak erran zuen: harraskatuko ditut lurraren gañetik kreatu ditudan gizonak, gizonetarik bestia abretaraño, herresta bestietaraño, oraño zeruko hegastiñetaraño ezen horiok egiñaz urriki dut.

        8. Bañan Noek ediren zuen grazia Eternalaren aitziñean.

        9. Hauk dire hemen Noeren ienerazioneak. Noe izatu zen gizon iustu eta osoa bere denboran, Iainkoarekiñ zabillana.

        10. Eta Noe enjendratu zituen hirur seme, Sem, Kam eta Iafeth.

        11. Eta lurra usaindua zen Iainkoaren aitziñean eta krueltasun bihurkeriez bethea.

        12. Iainkoak bada begiratu zioen lurrari eta horra usaindua zen: ezen haragi guziak usaindu zuen bere bidea lurraren gañean.

        13. Eta Iainkoak erran zioen Noeri, haragi guziaren fiña ethorria duk ene aitziñera: ezen lurra bethea duk krueltasun bihurkeriez hekiengatik: eta horra hek desegiñen tiat lurrarekiñ.

        14. Egiñ ezak hiretzat gofer zurezko arka bat egiñen dituk arkan egoitzak eta gantzutuko duk alkaternaz barnetik eta kanpotik.

        15. Eta egingo duk hunela: arkaren luzetasuna izango duk hirur ehun beso: haren zabaltasuna berrogoita hamar beso, eta haren haltotasuna hogoita hamar beso.

        16. Emango diok egun argia arkari, eta akhabatuko duk beso batez gañetikan, eta ezarriko duk arkaren athea haren sahetsetik: hala egingo duk arka behereko, bigarren, eta hirurgarren zubi batekiñ.

        17. Eta horra, erakharriko diat uholde bat lurraren gañera, desegiteko haragi guzia, zeñetan baita biziaren hatsa zeruen azpian eta lurrean diren guziei arimak egiñen diote.

        18. Bañan ezarriko diat ene alientzia hirekiñ: hala sarthuko aiz arkan, hi eta hire semeak, eta hire emaztea eta hire semeen emazteak hirekiñ.

        19. Eta haragi guziaren artean bizia duten guzietarik sarraraziko dituk parera arkan begiratzeko bizirik hirekiñ: erran nahi da, harra eta emea.

        20. Hegastiñetarik bere motaren arabera, bestietarik bere motaren arabera eta herrestaki guzietarik bere motaren arabera: han sarthuko dituk guzietarik pareka hirekiñ, bizirik begira detzakantzat.

        21. Hartzak oraño hirekiñ iaten diren ianhari guzietarikan, eta erretiratzak heuregana: izan daitezentzat iateko hanbat hiretzat nola hekientzat.

        22. Hori egintzuen Noek: Iainkoak manatu ziotzan gauza guzien arabera, hala egiñ izantzuen.

 

aurrekoa hurrengoa