www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Iesusen imitazionea
Silvain Pouvreau
1669

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesusen imitacionea, Silvain Pouvreau. Hordago, 1979

 

 

aurrekoa hurrengoa

HAMABIGARREN KAPITULUA

 

Artha handirekin preparatu behar dela Sakramendu Sainduaren hartzera.

 

Iesus maitearen hitzak

 

        1. Ni naiz garbitasunaren maitaria, eta saindutasun guziaren emaillea.

        Ni nabilla bihotz garbiaren bilha, eta hartan da ene pausagunea.

        Prepara diazadazu afal leku handi bat hedaturik, eta zure baitan eginen dut ene Baskoko afaria ene diszipuluekin.

        Nahi baduzu zure gana natorren, eta zure baitan nagoen, ken ezazu lemami zaharrak zure arimatik, eta garbi zazu zure bihotzeko ostata-lekua.

        Kanpora zazu mundu guzia eta bizioen abarrotza: iar zaite zure gelan, Eliza xoria teillatuan bakarrik dagoen bezala, eta han gogora tzatzu zure eskasiak eta soberaniak zure arimaren damutan.

        Ezen nork ere maite baitu, ahalik lekurik hoberena eta ederrena preparatzen dio bere maiteari, eta hortan ezagutzen da bere maitea etxera hartzen duenaren egiazko amorioa.

 

        2. Badarik ere iakin ezazu ezin asko prepara zaitezkeiela zure obren bertutez, urthe oso bat eman bazeneza ere zure preparatzen, eta bertzerik gogoan ezpazendu ere.

        Bainan orhoit zaite ene biotzberatasun eta grazia hutsez zilhegitzen zarela ene mahainera hurbiltzera, eskale bat irakar baledi bezala aberatzaren baraskaritara, deusik eluela hari ordain emaiteko, haren aitzinean humiltzea eta esker emaitze baizen.

        Egizu zure baitan dena, ordea egizu gogotik eta erneki, ez kostumaz edo beharrez; baina beldurtasun, erreberenzia, eta gogo pitztu batekin, har ezazu zure gana bere ontasunaz etorri nahi duen zure Iainko jaun maitearen gorputza.

        Ni naiz deitu zaitudana, nik manatu dut horrela egin dadin, nik askituko dut eskas zarena, zato eta har nazazu.

 

        3. Debozioneko grazia emaiten derautzudanean emoitzu eskerrak zure Iainkoari, ez zeren hura merezi duzun, baina zeren niri urrikaldu zaizkidan.

        Debozionerik ezpaduzu, aitzitik sentitzen baduzu idorra zarela, iar zaite othoitzetan, zaude hatsbeherapenez, bulka zazu athea, eta etzaitezila ixil zenbait xort edo papor Iainkozko mahain harturik ardiets dezakezun artean.

        Ene beharra duzu, eta nik eztut zure beharrik.

        Etzara heldu niri saindutasun berririk emaitera, bai ordea ni heldu naiz zure hobetzera eta saindutzera.

        Heldu zara ene ganik saindutasunaren ardietstera, zure buruaren enekin bat egitera, grazia berri baten hartzera, eta berrirozki oneratzeko gogoaren pitstera.

        Eztezazula hunelako grazia mespreza; aitzitik prepara zazu zure bihotza artha ahal guziaz, eta erakarzu zure maitea zure baitara.

 

        4. Ordea etzara errezibitu baino lehen xoilki debozionean iarri behar, bainan hartan egon behar duzu errezibitu ondoan ere.

        Ezta guardia gutiago eman behar gerokotz, lehen ongi preparatzeko behar zen baino.

        Ezen errezibitu ondoko guardia ona da preparazionerik hoberena grazia handiago baten berriz ardietsteko.

        Zeren hagitz barraiatzen da nihor berehala isurtzenegi bada kanpoko konsolazionetara.

        Begira zaite hitz sobera egitetik, zaude ixilean eta goza zaite zure Jainkoaz.

        Berdin zure baitan duzu mundu guziak ezin edeki edo eraman diazakezuna.

        Horrelakoa ni naiz, non zaren guzia eman behar baitzaizkit, hala non etzaitezin geiago bizi zure baitan, baina bai ene baitan deusez ere grinatu edo axolatu gabe.

 

aurrekoa hurrengoa