Lilluramenduezko eta
iruditze falsoezko
akometamenduaz
heriotzeko puntuan

HIRURHOGOI ETA SEIGARREN
KAPITULUA

        Behin ere gure trabaillatzetik unhatzen ezten gure etsai gogortuak akometa bazinitza iduritze falsoez eta argi-angeruratzeez, zaude fermu eta sail zure ez deustasunaren ezagutzan, eta errozu ausartki: Bihur adi, doakabea, hire ilhunbetara; zeren eztiat merezi horrelakorik ikustea; eztiat bertzeren beharrik ene IESUSEN miserikordiaren Andre Dana MARIA Birjinaren, San IOSEFEN, eta bertze Sainduen othoitzen baizen.

        Iduri balekizu ere hainits seinale kasik ageriez halako gauzak heldu direla zerutik, arbuia tzatzu hala ere, eta khen etzatzu zureganik ahal bezain urrun, eta etzarela beldur zure kontra-iartze hura zure merezigabean zimendatua deino, den zure Iaunaren desgogara; zeren haren egitekoa bada, ederki iakinen du haren klaratzen, eta eztuzu hortan deusik galduko, halaz eta bere grazia humillei emaiten derauenak, hura edekiten ezterauenaz gero nahiz diren humiltasuneko obrak eginagatik.

        Hauk dire arma ohituenak, zeinetaz gure etsaiak kostuma baitu baliatzeko gure kontra azken iragaitza hartan. Gero batbedera enseiatzen du haren inklinazione partikularen arauera, ezaguturik zeintara emanago den. Hargatik Gudu handiaren orena hurbil dadin baino lehen, ongi armatu behar gara, eta agudoki gudukatu behar dugu gure pasione bortitzenen eta iauntzenago zaiskigunen kontra, errazkiago garaitiaren ardietstekotzat, geiagorik haritzeko denbora eta ahal guzia eramaiten deraukun denboran.

        Pugnabis contra eos usque as internecionem. 3. Reg. 15.

        Hekin kontra gudukatuko duzu, hek osoki hil ditutzun artean.