www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Gudu espirituala
Silvain Pouvreau
1665

      [liburua osorik RTF formatuan]
      [faksimilea]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: Gvdv espirituala, Silvain Povvreav. Chez Claude Avdinet, 1665.

 

 

aurrekoa hurrengoa

Eztugula gure burua utsi behar
eramaitera pazientki
pairatzen ditugun aflikzionetarik
libratua izaiteko nahira,
eta gure desir guzien
ordenatzeko maneraz,
bertutezkoak direntzat

 

BERROGOI ETA BATGARREN
KAPITULUA

 

        Aurkhitzen zarenean zenbait penagarrizko gauzatan, zein ere nahi den, eta hura pazienziarekin hartzen duzunean, begira zaite demonioak edo zure buruaganako amorioak eraman etzaitzan hartarik libratua izaiteko desiraren hartzera, zeren bi beregaineko kalte handik ethor lekidisketzu.

        Lehena da, desir hark pazienziazko bertutea orduan eraman ezpailiazazu ere, ala bainan batatxeka prepara zinitzakeiela despazienziara.

        Bigarrena da, zure pazienzia egin litekeiela eskas, eta Iainkoak hura

Sarista lezakeiela xoilki paira zenezakeien denboraren eredura; ordea desiratu ezpazendu hartarik libratua izaiteko, bainan haren Iainkozko ontasunaren eskuetan osoki iarri bazine, zure pairuak iraun eluelarik oren bat eta gutiago ere, Iainkoak hura ezagutuko zuela denbora guziz luzezko serbitzutzat.

        Hartarakotz puntu hunetan eta bertze guzietan, guzietako erreglatzat, duzun artha zure desiren idukiteaz hain urrundurik hek pitz detzaketen bertze gauza guzietarik, non garbiki eta sinpleki mira dezaten bere xede egiazko eta bakhoitz hartara, zein baita Iainkoaren borondatea, zeren manera hartaz zure desirak izanen dira xuxen eta arrazoinezko, eta zu nahiz diren kontrarazko gauzetan ez xoilki egonen zare bakez, baina kontentik ere; ezen deus ere ezin gerta ditekeienaz gero Gainekoaren borondatea gabe; zuk nahi baduzu hark nahi duena, nahiko duzu orobat eta izanen ere desiratzen duzun, eta noiz nahi gertatzen den guzia.

        Huri ezta aditzen bertzeren bekhatuez, ez eta zureez, zeren hek eztitu Iainkoak nahi, ordea badu leku bekhatuagatik edo bertze zerbaitetarik ethor liteskeien pena eta gaitz guzietan, pena bat hain bortitz baliz, eta hain barrena sar baledi ere, non zure bihotz-hondoa ukhiturik bizitze naturalaren erroak ihar bailetza; zeren hori da gurutzea, zeinaz Iainkoak batzutan nahi baititu bere adiskide maiteenak eta mindurienak faboratu.

        Eta inkontru guzietan behar dugun pairuaz diodana, aditu behar da ere hartarik gelditzen zaikun eta Iainkoak nahi duen paira dezagun aflikzione bakhoitzeko parte hartaz; sori diren bideez baliatu garenean hartarik libratzeko.

        Bai eta moien hek erreglatu behar dira Iainkoaren ordenanzaren eta borondatearen arauera, iakinik hek ordenatu dituela, hetaz balia gaitezintzat, zeren hala nahi baitu, ez gure buruagatik ez eta zeren maite dugun gauza gaitzetarik libratuak izaitea, haren serbitzuaz eta plazer onaz doan baino geiago.

 

aurrekoa hurrengoa