www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Lan orhoitgarri zonbait
Jules Moulier, «Oxobi»
1926, 1966

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

aurrekoa hurrengoa

EGURGI

 

            Mendi zolan Beherrobi,

            Gorago nunbait Egurgi;

Garaztar artzain xotilak harat heltzean izerdi,

    Nafarrorik ez, bainan, urak dira garbi.

 

            Errekan arraina merke,

            Bil-errex amurik gabe;

Madalenako horiek garizumen begirale,

    Pazko aintzin ditutzu Egurgin errege.

 

            Orduan ez nintzen lotsa,

            Luzexago nuen hatsa,

Iguzkitarat halere hurri neraman urhatsa;

    Bordetarat orduko, goxo zen arratsa.

 

            Mugaz axola gaberik,

            Harrien bi aldetarik,

Ardi, behiek, pottokek, alhan badabiltzalarik,

    Ez dute Jainkoaren legeaz bertzerik.

 

            Uharte, bizi zirea?

            Zertan duzu arthaldea?

Garruze Pelegrinean axuririk sortu dea?

    Orbaizetako maldak han baitaude beha...

 

aurrekoa hurrengoa