LENENGO OTSALDIA

        Tonadillea

Sekulako ikaraturik

Nago ikusi dedanaz;

Ez bait du iñork sinistuko

Bakarrik nere esanaz.

        Bada ni ere

        Neure ikusirik,

        Egon naiz eziñ

        Sinisturik.

Gure erriko sartzaieran

Dagoan abel-etxe ura

Aiñ dago argia ta ederra,

Zer dirudi zerua.

Baña au ez da ezer ere

Beste gauzeen aldean.

Ez da ainbeste mirari

Ekusi iñoz lurrean.

        Bada ni ere...

Aditu nai dituztenak

Jar bitez nere aldean:

Esango ditut diranak!

Segidillatxo auetan.

Baña utzi bulla

Alde batera;

Txit, txit, ia noa

Abiatzera.

        Segidillak

Aurtxo zoragarri bat,

Or portalean,

Otzak kil, kil, kil, datza

Lasto gañean.

        Ai, aur ederra!

        Ai, aur guria!

        Ai. aur gozoa!

        Ai, aur eztia!

Otzak kil, kil, kil, datza.

Lasto gañean.

Belen guztian

Eztute iñun aurkitu

Ostaturikan.

        Ai, aur ederra!...

Asto idi batzuek,

Etziñik auspaz,

Zerbait berotzen dute

Beren arnasaz.

        Ai, aur ederra!...

Errukiago

Dira abereak berak

Gizonak baño.

        Ai, aur ederra!...

Txit emakume eder bat

Alboan jarrita,

Zoro biurturik dago

Ari begira.

        Ai, aur ederra!...

Bai, biak ere

Ederrean alkarren

Antza badebe.

        Ai, aur ederra!...

Andre eder au aur onen

Ama andre izanik,

Jaio zanean bezela

Dago, orregatik.

        Ai, aur ederra!...

Zer mirarial

Ama izanik, dontzella

Bait da garbia.

        Ai, aur ederra!...

Aur eder onen aita

Ez da gizona;

Da espiritu garbi bat,

Da Jaungoikua.

        Ai, aur ederra!...

Argatik bada,

Mirari aiñ andi au

Gertatu bait da.

        Ai, aur ederra!...

Maiz ekusi dezute

Kristal garbian,

Nola sartu ta erten

Oi dan argia,

        Ai, aur ederra!...

Ausirik gabe,

Ta loirikan batere

Utzirik gabe.

        Ai, aur ederra!...

Gisa artan Andre onen

Sabel garbian

Sartu ta erten izan da

Jainkoaren itza.

        Ai, aur ederra!...

Aren gisara

Mantxa gabe ta osorik

Gelditzen dala.

        Ai, aur ederra!...

Aguretxo bat ere

An dago aurtxoaz.

Eziñ dauka negarra

Pozaren pozaz.

        Ai, aur ederra!...

Iñoiz malkoak

Oi dira farra baño

Gozoagoak.

        Ai, aur ederra!...

Jaunak esleiturik

Bere ordekotzat,

Aurrak aita ez badu ere,

Dauka artakotzat.

        Ai, aur ederra!...

Zorionekoa

Izatea alako aurraren

Aita ordekoa.

        Ai, aur ederra!...

Beste gizakumerik

Aurkitzen ez da.

Aurtxo onen konpañia

Eztitsu onetan.

        Ai, aur ederra!...

Mundu zoroa!

Ez du sekula jakiñ

Zer dan gauza ona.

        Ai, aur ederra!...

Bañan ez zaio palta.

Ez, konpañia,

Bada berekiñ dauka

Zeru guzia.

        Ai, aur ederra!...

Argatik naski

Dabil mundua igasi

Toki artatik.

        Ai, aur ederra!...

Aingeruak kantatzen

Diote aurrari:

Gloria zeruetan

Jaungoikoari,

        Ai, aur ederra!...

Eta bakea

Gizon on guzientzat

Berriz lurrean.

        Ai, aur ederra!...

Nai dutenak etorri,

Betoz laxterka,

Musika zeruko au

Aditutzera,

        Ai, aur ederra!...

Ta aekiñ batera

Gure borondate ona

Erakustera.

        Ai, aur ederra!...

Goazen, ta bere oñetan

Umilki etziñik,

Alabatuko degu

Biotz guzitik.

        Ai, aur ederra!...

Modu onetan

Ez digu, ez, ukatuko,

Deus ere ezertan.

        Ai, aur ederra!...

Eska zaiogun bada

Lendabizian,

Ez gaitzala, arren, utzi,

Gere bizian.

        Ai, aur ederra!...

Gurekin dela,

Ez gera ezeren bildur,

Naiz dena dela.

        Ai, aur ederra!...

Orain aur maite onekiñ

Ongi bagera,

Gero eramango gaitu,

Beraz batera,

        Ai, aur ederra!...

Bere Aitagana,

Sekulako bizitza

Ta gloriara.

        Ala biz.