www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Kristaubaren ikasbidea
Juan Antonio Mogel
XVIII.mendea, 1987

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Cristaubaren icasbidea edo doctrina cristiania, [Juan Antonio Moguel ta Urquiza] (Luis Villasanteren edizioa). Euskaltzaindia, 1987

 

 

aurrekoa hurrengoa

Bigarren ikasbidia

 

        I: Kristinauba zara?

        E: Bai, Jainkuaren graziaz.

        I: Zer da Kristinauba?

        E: Da batiatu zanetik Jesu Kristo geure Jaunaren aginpian, ta legian bizi izatea.

        I: Zetan dago Jesu Kristoren legepian bizi izatea?

        E: Iru gauzatan:

        I: Berak erakutsi ditubanak sinistutean. 2. Aginduten ditubanak egitian. 3. Eta itxi euskuzan Sakramentubak artzeian.

        I: Beraz mesede andia da Kristinau izatea?

        E: Bai, eta da Jangoikuak mundu onetan egin daikegun mesede andienetatik bat.

        I: Zetan dago mesede ori?

        E: Izatian Jainkuaren Ume, Zeruko Jaubeari (sic), edo erederu, (sic) ta Jesu Kristogaz gorputz bat egitian.

        I: Zein da Kristinaubaren irudin, edo señalia?

        E: Kurutze Santia.

        I: Zelan egiten da señale au?

        E: Eskumako atz bi eruanaz bekokitik bularrera, eskerreko solbardatik eskumakora, bitartian esanaz, Aitiaren, ta Semiaren, ta Espiritu Santubaren izenian. Amen.

        I: Zer adierazoten dau Kurutziaren señaliak?

        E: Gure Fedeko misteriorik andienak

        I: Zeintzuk dira?

        E: Irutasun, edo Trinidade Santuba, ta Erospen, edo Redenzinoia.

        I: Zetan (sic) adierazoten dau Trinidadeko misteriua?

        E: Izentaubaz iru Personak, ta esanaz izenian, ta ez izenetan, aituteko Jainkotasun bakar bat.

        I: Zelan adierazoten da geure Erospen, edo Redenzinoekua?

        E: Gure gorputzian egiñaz Kurutziaren irudia: bada kurutzian illa izan zan, gu erostiarren.

        I: Zetan dago Kurutziaren señale, edo irudi onek daukan indarra?

        E: Dago Diabruba urristetian, ta Jainkuaren bedeinkazinoiak erastian gure arima, ta ondasun guztietara.

        I: Noz egin biar da geien kurutziaren señale au?

        E: Egin bear da goisian oetik jagitian, biarrian astian, gabeko lo aurrian, jatorduban, etxetik urteten dogunian, Eleisan sartzeian, ta edozein galbide, edo peligrutan aurkietan garianian.

        I: Zeinbat utsegin oi dira zeñatuten?

        E: Txito asko: lenengo utsa da aringa, edo berbak ondo ebagi

        baga zeñatutia: ta bigarrena arreta ta debozinoe baga.

        I: Nozkua da Kristinaubak zeinatuteko dauken oitura, ekanduba, edo usadiua?

        E: Tertuliano Jakintsubak, zein bizi izan zan Eleisako lenengo urtetan, dino, bere denporan zeñatuten ziriala Kristinaubak zeregin, edo lan ardurakuetan sartu baño lenago: ta alan uste izateko da, usadioau jatorkula Apostolubetatik.

        I: Zer pekatu mueta egiten dau berariaz okertu, ta Eleisiak ifinirik estaukazan nastiakaz zeñatuten danak?

        E: Egiten dau superstizinoia deritxan pekatuba, ta da txito andi, ta ikaragarria.

        I: Zer atera biar dogu irakurte onetatik?

        E: Egin Kurutziaren señalia biar dan arreta, edo arduriaz.

        2. Maite izan bizitza nekatuba, zein daguan adierazorik bertan.

        3. Orduban gomutau, zelan ill zan Jesus ona gugaiti kurutze gogor baten.

 

aurrekoa hurrengoa