www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Arantzazu
Salbatore Mitxelena
1949

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Arantzazu, euskal-sinismenaren poema, Salbatore Mitxelena. EFA, 1949

 

 

aurrekoa hurrengoa

KALBARIO ALBERNI ARANTZAZU

 

        Kalbario-mendia kristau guziontzat deguna, orixe da Alberni, bere mallan, prantziskotarrentzat, eta orobat izan zan Arantzazu euskaldunontzat.

        Arantzazu, euskal-Kalbario!

 

Iñork nere atzetik etorri nai ba'du, bere burua ukatu ta bere gurutzea leporatu beza, eta jarrai dezaidala. (Mt. 16, 24)

 

—I—

 

    KALBARIO'ko mendia,

    kristau-oñazeen oindia.

Andik Zerura doazen miñak

    ziurra dute saria.

    Kalbarioko mendia,

    Jerusalen'en jeikia.

Jainko-Gizonak bere Opariz

    an salba zun gizadia.

 

Jesusek gurutzetik:

                        —Zeruko Aita: orra nik

                        Eriotza azkendu nerez.

                        Tori nere Oparia

                        giza-obenen ordañez.

                        Ez naiz bakarrik. Atzetik

                        elduko dira, gurutzez,

                        beste amaika, Nerekin

                        neke-lagun izan naiez.

 

 

—II—

    Italin dezu ALBERNI,

    bigarren Golgota txiki.

Prantziskotarrak andik dakite

    nola jarraitu Jesusi.

    Begira San Prantziskori:

    gorputz ta animan bost zauri...

Gurutziltzatuaren miñetan,

    Jesus berbera dirudi.

 

San Prantzisko zaurituaren

eskaria:

                        —Indazu, Jauna, arren neri!:

                        zure Pasio-miñak ni-baitan

                        senti ditzadala, senti...!

 

 

—III—

 

Euskalerrin ARANTZAZU,

    gure Kalbario santu.

Irugarrenez, Eros Mendia

    euskaldunok auxe degu.

«Nere euskal-seme on askok emen

    izango dute ostatu,

izango dute ostatu eta

    euskal-Meza non opaldu».

 

Prantziskotarren deia,

Euskalerriratzean:

                        —Kristau-erri euskaldunak:

                        Jesusganatu nai dunak

                        eutsi gurutza, zamatu

                        ta Arantzazura abiatu...

 

 

 

            Euskal-miñen Arantzazu!

            euskal-Kalbario santu!

        Ama-Semeen Pauso doneak

            nun-berritu or daukagu.

        Ama-Semeen guruzbideko

            neke-lagun ar gaitzatzu!

 

aurrekoa hurrengoa