www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Txindor-egadak
Alejandro Bilbao, «Erramun Maruri»
1964

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Txingor egadak, Maruri'tar Erramun. Graf. Izarra, 1964

 

 

aurrekoa hurrengoa

Basatxoria

 

Agur dagizut

Basatxoria,

Mendi gallurran

Agurtzalea.

 

Auts-margoa ta

Mutur luzea,

Marra beltz batzuk

Zuk dituzula.

 

Mendira igota

Ez dakit nondik,

Baña ondora

Arin zatorkit.

 

Egitera agur

Esker eskuitik,

Edo zintzilik

Odoyetatik.

 

Gogoz abestuz

Zeure abestik,

Arrera onena

Egiteagaitik.

 

Mendi gallurran

Geyago barik,

Zeure agurra

Naiko saririk.

 

Agur txoritxo

Mutur luzea,

Laster nator ni

Berriz zeugana.

 

                        Ondarrabi, 1927

 

aurrekoa hurrengoa