AMERIKETAKO ANAYERI

Zegaitik ezatoz anai

Zure yayoterrira,

Beti betiko utsirik

Ipar-ameriketa?

Ez al zara gomutetan,

Neure gogoan aintzin

Alde ortara yotean,

Zeuk emoneko itzakin?

Bost urte barruan, anai,

Emen neukozu itzuli,

Beste bost igaro dira

Zu iñon etzara agiri.

Eunka idatzi deutzudaz nik

Aro orretan idazkik,

Biotza itsul yatzu burni,

Bestela dozu urturik.

Beti alperrik idazten

Aspertu nago, anai;

Itzuli, arren, itzuli,

Biok jarteko alai.

                        Ondarribi, 1924