www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Biotza abeslari
Alejandro Bilbao, «Erramun Maruri»
1927

      [liburua osorik RTF formatuan]
      [Literaturaren Zubitegia]

 

Iturria: Biotza abeslari, Maruri'tar Erramun. Zornotza'n : Jaungoiko-Zale'ren Irarkolan, 1927.

 

 

aurrekoa hurrengoa

MARGARITE

 

Amazortzi urteko zan

Neska Margarite,

Neskarik ederrena iñon

Ederrak badire.

 

Neska yayo ta liraiña,

Ganera aberatza,

Gizonak zirikatzeko

Ludin bide erraza.

 

Augaitik ari ludiak

Eskeiñiten dotsoz

Gozatze ta arrosa lorak

Arrapatze asmoz.

 

Arrosa koroya tori

Buru apaintzeko,

Lili usai gozodunak

Lurrinkai artzeko.

 

Gozabideak daukozuz,

Orain da sasoya,

Etorri bada lasterka

Gugaz gozatzera.

 

Baño Miren alaba da

Neska Margarite,

Eta ez dabe eroango

Guztin arten bere.

 

Miren alaba nazela

Ez nabe eramango

Eginalak eginaren

Ni eroateko.

 

Beste zio batzuk daukoz

Zio onen ganera,

Uzkurtzaren diztia ta

Jesusen omena.

 

Augaitik uketuten dau

Bere guraria,

Zearo egitearren

Jainko agindua.

 

Ta egiñik asmo onekaz

Lore txori ederra,

Jaunari eskeintzen dotso

Pozik bere opa.

 

                        Ondarribi, 1924

 

aurrekoa hurrengoa