GOKAXOEN EGUNA

Soñeko baltzez Ama yantzi da

yualak itun deitzen dagoz:

«Biotzez negar, ene semeok,

otoi barrendik, otoi gogoz».

Bere lepoan gurutz aztunaz,

bizitz ontatik igarota,

ikusten dozu anai gaxoa,

izerdi-autsez zikinduta?

Donokiratu baño lenago

garbitzen dago su-garretan,

Nitzaz erruki! didarrez diño

ez aztu nitzaz otoyetan».

Eleiz Amagaz otoi, kistarra,

yualak itun deitzen dagoz,

«Gutzaz erruki, anai maitea,

negar biotzez, otoi gogoz».