XLIV. KAPITÜLIA

Kanpotiko gaizen ezagützian eztiala behar ihurk sarthü.

        1. Ene semia, hanitx gaizatan, deus ezpazeneki bezala, izan behar düzü, eta zihauren büria etxeki, lürren gañen, hilik beitzina bezala, eta zuñentako mündia oro krüzifikatia beita.

        Beste hanitx gaiza ere, entzüten ezpeitzüntü bezala, eitzi behar dütüzü igaraitera, eta ggoguan lehenago etxeki, bakia begira erazitzen ahal deitzienak.

        Hobiago düzü gaiza desplazer egiten deizienetarik begien ützültzia, eta bat bederari bere sendimentiaren eiztia, eziez elhesta debadioz bether estekatzia.

        Untsa Jinkuareki bazaude, eta haren jüjamentiari so egiten badüzü, ehiñerago unhetsiren düzü, goithü izatia.

        2. O ene Jinkua, zertara drano jin giren! damü thenporal bategatik, ihurk nigar egiten dizü, irabazi txipi bategatik, triballatzen, eta lasterkatzen, düzü; eta galtze ezpiritual bat ahaztera eizten dizü, berantian ere bortxa orhitmentxala jiten delarik.

        Gogua emaiten dizü, profeitürik batere edo aphür baizik emaiten eztian gaizari, eta ezinago behar diana, arrankürarik gabe, igaraitera eziten dizü: zeren gizonak eizten beitü osoki bere büria juaitera kanpotiko gaizetarat, eta berhala hantik jalkiten ezpada, badiagozü gogo hunez hetan hedatürik.