www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Koplak
Joakin Lizarraga
1793-1821, 1983

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Koplak, Joakin Lizarraga (Juan Apecechea Perurenaren edizioa). Euskaltzaindia, 1983

 

 

aurrekoa hurrengoa

Ain ona barin bada...

 

Ain ona barin bada

Jesus ona gaixtoeki,

o zein ona bide da

bere on onetsieki?

 

Aita non da, edo ama non,

edo esposo alakorik?

Berzendako ain on

amante amorosorik?

 

Gloriarako azitzentu,

nola errege errealki;

sendatzen, sendotzentu,

ta sandutzen ederki.

 

Onak onago itentu,

ta sanduago sanduak;

grazia aumentatzen du,

eta mereximentuak.

 

Karidadea du añaditzen

ta esperanza fedeareki;

ala arimak ditu azitzen

Jesusek ezin obeki.

 

Humiltasun, mansotasun,

pazienzia, penitenzia,

indarketa, edertasun

emanes ta dilijenzia:

 

Kastidade, garbitasun,

prudenzia, zelo, konstanzia,

baitare su ta argitasun,

ta azkenik perseberanzia.

 

Orai nola bere amores

nola ditu erretzen

Jesus onak ta fabores

nola ditu betetzen!

 

Erregalo geiegias

nola ditu zebatzen!

Konsolazios, alegrias

nola ditu zoratzen!

 

Zerurako señaleak,

amoresko prendak an;

Jesus onak ta amableak

bere onei nai eman.

 

Prendarik oben obena

bereki bateratzea;

ori da aiek nai dutena,

bizi ala ta bukatzea:

 

Beretik apegatzea

Jesus onak on guzia,

eta ala konformatzea

daiken diña aien bizia.

 

aurrekoa hurrengoa