www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bide barrijak
Estepan Urkiaga, «Lauaxeta»
1931

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Bertsio informatiko honen egilea: Josu Lavin; Urkiola, 1-1C 48990 - Getxo (Bizkaia)

 

aurrekoa hurrengoa

TXAKURTXUBA

 

Goxeko galdatara

txakurrak etzunik.

Arri ganian datzaz

begijak itxirik.

 

Nasai-nasai dedate

bero lixunkoya.

Izpi garbijak dargi

euren gorputz loya.

 

Noxean bein gorantza

jaso dauz burubak.

Eulijak atzemon nai;

txakurren alperrak!

 

Kanpora durten pozik

neure txakurtxubak.

Jolas-egin gura dau

toto txikertxubak.

 

Txakur zekenakana

eltzen da saltuka,

ayek baña artzen dabe

amorruz orruka.

 

Tente ate aurrian

Oriño txikijak,

gora jaso daruaz

begitxu argijak.

 

Zerubari adika

ume bat bezela,

ikuspena dirudi

betesten dabela.

 

Eta txakur politak

oso ameslari,

ausi egiten dautso

zeruko oztiñari.

 

aurrekoa hurrengoa