www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Biozkadak
Luis Jauregi, «Jautarkol»
1929

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biozkadak, Jautarkol (faksimilea). Gipuzkoako Aurrezki Kutxa, 1975

 

aurrekoa hurrengoa

ILLETA-ERESIA

 

                        Euskal-Esnaleak 1926gko. sariketan saritutakoa

 

Ia negarrez igotzen nintzan

        kanposantura lenago:

orain billera txoroak baño,

        kanposantura naiago.

 

Bakardadea orain naiago

        dantza ta iskanbilla baño:

argatik pozez arratsaldero

        noa kanpusanturaño.

 

Badakit orain nola ari illekin

        ixil-ixilik izketan:

orra zergatik gizonagoa

        len baño naizen benetan.

 

Adiskideak...! Ez egin negar

        iltzen naizen egunean:

zergatik negar, gau gaitza jun-da

        euzkia piztu danean?

 

Biotzez ta aoz otoitz beroak

        egan bidali Zerura...

T'esan: Gaur il da Euskal-Erriko

        olerkari gaxo ura.

 

Adiskideak...! ez egin negar

        nere illobi bazterrean;

exeri t'egon ixil-ixilik

        nekin izketa luzean.

 

Arrizko gurutz aundi bat baizik

        ez nere gañean jarri;

eta lorerik zeren eskutan

        aruntz netzat ez ekarri.

 

Bañan, ez kendu gurutz-alboan

        jaioko dan untz-orria,

ta ez uxatu gurutz-gañean

        kantari dagon txoria...

 

                 * * *

 

        Nere illobiko gurutz

                arrizkoa

        esnatu arte zaindu

                nere loa.

 

                                Salinillas de Buradón (Araba)

 

aurrekoa hurrengoa