www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

IXIL, IXIL...

 

        Ixil, ixil eta hil.

Euskal-semea maiz hola dabil:

        Ixil, ixil eta hil.

 

Bertzek euskara ez dakitela

Eta, Jainkoak nahi bezala,

Elgar maitatu behar dugula.

 

Bertzek euskara ez dakitela

Elgarren maitez behar duela

Euskarak egon ixil ixila.

 

        Ixil, ixil...

 

Hil behar bada, hil gaiten beraz;

Bainan kantatuz bihotz guziaz,

Kopeta gora eta euskaraz.

 

        Ixil, ixil eta hil.

Euskal-semea maiz hola dabil:

        Ixil, ixil eta hil.

 

Erdal-jendeak zer gatik ote

Hek Jainko seme egin ditezke

Erdaraz ariz, gu suntsi arte!

 

Euskal-semeak zer gatik ote

Jainko-semetu ezin ditezke

Elgar badute euskaraz maite?

 

        Ixil, ixil...

 

Ez, ez da hilen euskaldungoa:

Elizetarik gaur deika doa

Kristo Jaunaren euskal-mintzoa.

 

Ez, ez da hilen euskaldungoa;

Ikastolekin pizterat doa:

Haurretan dugu euskal-geroa.

 

30-12-71

 

aurrekoa hurrengoa