www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

IKUSTEN DUGUN ZERUA...

 

Ikusten dugun zerua

Zoin urrun eta zoin gora...

Lurrari hotz bezein arrotz.

 

Ikusten dugun zerua

Ametsa bezein mami gabea.

 

Sinesten dugun zerua

Zoin hurbil eta zoin barna...

Denen mami eta bihotz.

 

Sinesten dugun zerua

Jainkoa bezein Jainkoz betea.

 

            * * *

 

Ikusten dugun zeruari

Beha dago Zerulea.

 

Ikusten den zeru hori

Bertzearen orroitgarri,

Haren keinu eta irri.

 

Sinesten den zeruari

Emana da Zerulea.

 

Sinesten den zeru hori

Munduaren peko-harri

Eta denen altxagarri.

 

            * * *

 

Zerulearen zerua

Ez da urdin, ez da lano:

Lurrago da lurra baino.

 

Badabil nola kantua

Lur barneko barneraino.

 

Zerulearen zerua

Gauen argi, minen gozo

Laurrekoen goiko mintzo...

 

Eramaki du mundua

Argiaren beteraino.

 

            * * *

 

Guziena da zerua

Bai gain hartan den urdina

Bai gu baitan ari dena.

 

Guziena da zerua

Ez bakarrik zerulena.

 

Zerulek dugun zerua,

Amen soan dadin izan

Adiskiden elgargoan:

 

Zerulek dugun zerua

Dugun eman eta eman.

 

7-10-69

 

aurrekoa hurrengoa