www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

HAN ZERU-ZOLAN

 

        Han zeru-zolan

        Beloketxolan

Fraide ixila zer bakez bake dabilan,

        Eginez otoitz eta lan.

        Beloketxolan

        ardiekilan

        Beloketxolan

        otoitz eta lan.

 

Larrun, Urtsuia eta Baigura...

        Handik mendiak zoin gora!

Bihotza nolaz han ez bakera,

        Euskal-gaineri begira.

 

Otso-xiloko errekaraino

        Gaineri bake dario,

Han Jaunari da gizona mintzo,

        Han ardi-bazka zoin gozo.

 

Beloketxola gaintto ixila,

        Iduri luke Galgala:

Ikusiz handik zeru zabala

        Nor ez joan, Eli bezala?

 

Herri jendeak lur zabalean

        Maiz kalapitan, maiz gerlan.

Ai, ez dadila Beloketxolan

        Bakez bertzerik sekulan.

 

15-12-67

 

aurrekoa hurrengoa