www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Pindar eta lano
Xabier Iratzeder
1920-1941

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

XAN

 

        Xan!

Zure ezpain biziari

Zenbat aldiz den erori

Nere izen goxo hori!

 

Banindagon iluntzetan

Zurekilan irriz, kantuz,

Banindagon ametsetan

Zure boza hurrupatuz.

 

Bozkario barnagorik

Nihun baden ez dut uste,

Kantu hoitaz orroiturik

Atseginez nuzu bete.

 

Orai ere egun batzu

Hits bazaude edo eri,

Ezti-ezti: «Xan» diozu

Eta heldu naiz kantari...

 

        Xan!

Zure ezpain biziari

Zenbat aldiz den erori

Nere izen goxo hori!

 

Donibanen, 5-7-40

 

aurrekoa hurrengoa