www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Argiz argi
Xabier Iratzeder
1947 -1957

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

NAPAR GUZIEK

 

Napar guziek dutela

Javier-en bihotz zabaia,

Guziek harek bezala

Bihotzetik diotela:

 

        Euskara dut Euskara

        Nik ene mintzaira.

 

Zu baitan da, Naparroa,

Sortua euskal-mintzoa.

Zu baitan du, Naparroa,

Euskarak bere geroa.

 

Maiz ibili naiz Baztanen

Zoin dutan nik hor gozatzen...

Bainan noiz dute Iruñen

Napar guziek erranen?

 

        Euskara dut Euskara

        Nik ene mintzaira.

 

Naparrak erdaraz ari

Castillanoak iduri...

Hain baita hori mingarri

Erran oihuka deneri:

 

        Euskara dut Euskara

        Nik ene mintzaira.

 

Jaun gazte bat Iruñarra

Etorri zait gaur bidera

«No, yo no sé el Euzkera:

Mi hijo lo aprenderá.»

 

Iruñetik itzultzean,

Pertsuz nabil otoitzean:

«Oi! beren euskal-mintzoan

Mintza diten Naparroan.»

 

8-1-1957

 

                        Iruñetik Baztanerat

                        AIREA: Otoizlari - 10.

 

aurrekoa hurrengoa