www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Argiz argi
Xabier Iratzeder
1947 -1957

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

                        Bi ilobañoak ikusirik

 

 

BI MUTTIKO...

 

        Bi muttiko ttiki-ttiki

        Dena begi, dena irri...

        Bi muttiko so egoiki.

        Etxekoen xoragarri...

 

Heigoraka zauden bi biak.

Ezpain-matelak ñoñoz bustiak:

Ni agertzean, ni ikustean

Harritu zaizkit bi biak.

 

        Bi muttiko ttiki-ttiki

        Matel xabal, matel xuri...

        Bi muttiko amultsuki

        Pottka eta ttinka ari.

 

Heien Aingeru hegal zabala

Hara heien zain irriz dagola:

Ai baloazi, balire bizi

Harek amestu bezala.

 

        Bi muttiko ttiki-ttiki

        Dena begi, dena irri,

        Biziari so egoiki

        Zeru-lurren xoragarri.

 

2-10-48

 

aurrekoa hurrengoa