www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Koplak
Piarres Ibarrart
1869-1895

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Bertsolaritzaren historia II, (Patri Urkizuren edizioa). Etor, 1991

 

 

aurrekoa hurrengoa

ORGOGOZO JAUN-ANDEREI

 

                                1899-ko maiatzaren 30-ean

 

Ezkontza baten fama aditu dut atzo,

Eta bozkariatu entzun dutaneko;

Lau bertsu eman ditut horren laudatzeko:

Othoi, barkha zadazu Doktor Orgogozo!

 

Zure espos maitea nor den aditurik,

Bertsuen emaiteaz ez nuen dudarik;

Munduan etzinuke prestuagorik,

Aingeruetan baizik ez baitu parerik.

 

Jainkoak ikusirik zure bihotz ona,

Eman dautzu andre bat merezi duzuna:

Fidel, ezti, garbia eta Eskualduna;

Zeroni iduria dukezu laguna.

 

Desiratzen dautzuet luze bizitzea,

Bakhezko zorionaz bethi gozatzea;

Osagarri on bana biek izaitea,

Hola bizi ondoan zerurat heltzea!

 

aurrekoa hurrengoa