www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Koplak
Piarres Ibarrart
1869-1895

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Bertsolaritzaren historia II, (Patri Urkizuren edizioa). Etor, 1991

 

 

aurrekoa hurrengoa

NEGUA

 

Neguaren hastean, zer da haize hori?

Ipharreko aldetik zaukuna ethorri?

Izotzak eta hormak, dauzkigu ekharri;

Arbolen ostoa da lurrerat erori;

Kanpoa biluzirik daukute ezarri.

 

Ikusirik mendiak xuritzen elhurrez,

Hegaztinak dohatzi hotzaren beldurrez;

Iguzkia ez dago arpegi ederrez;

Lurra ez du berotzen suharki indarrez:

Hortakotz da negua hiru hilabetez.

 

Udako xori, xoxo kantari maiteak

Ixildurik dagotzi, sasian gordeak;

Neguak suntsiturik kanpoko loreak,

Udan bilduen jaten hai dire erleak,

Uli ttipi balios ezti-egileak.

 

Airea bortuetan hoztu den pondutik,

Arthaldea zoin aise jausten den menditik

Joare-soin ederrak emanak lephotik,

Lerro-lerro, auhenka, artzainen ondotik:

Oihartzunak entzuten dira urrunetik.

 

Zelhaietan sartzean ardi'ta bildotsak,

Bortutik beha daude otso eta hartzak:

Errabian dagotzi, karraskatuz hortzak;

Bainan lotsatzen ditu bas'herri arrotzak,

Bai eta ikaratzen Nabarro-ren bozak!

 

Nahiz negua duen bildotsak sortzeko,

Ekhartzen du ondarra laster xutitzeko,

Amaren erraperat asmuka heltzeko;

Buxtana dirdiratuz, besoz belhauniko,

Xurgatzen du titia mundura deneko.

 

Lur langile zuhurrak ez du urrikirik,

Udako egunetan ongi bermaturik:

Urtheko hazkurriak badauzka bildurik:

Ogi artho belharrez zokhoak betherik,

Orai negu beltzaren ez duke beldurrik.

 

Bas'herriko emazte langile suharrak,

Zein ongi ditutzuen laguntzen senarrak!

Udan ongi hazirik borthako ederrak,

Horra orai neguko nasaiki xingarrak;

Horrek emanen ditu laneko indarrak!

 

Hazkurrien etsaiak udan dira sortzen

Eta udazkenean lurpean gordetzen;

Hormate handietan han dire suntsitzen;

Gero Primaderako guti da gelditzen:

Ulitxa gaixtagina neguak du hiltzen!

 

Negutik primaderan sartzen garenian,

Bozkariotan gaude lilien erdian;

Bainan erauntsiaren bethi beldurrian;

Aurthen ikusi dugu Eskualdun-Herrian

Egun izigarri bat ekhainaren bian!

 

Jakintsunek gaituzte guziak othoizten,

Neguko arratsetan balia gaitezen

Kazet eskualdunaren gora irakurtzen:

Batek irakurtzean, bertzeak entzuten,

Gure haurrek eskuara han ikhas dezaten!

 

aurrekoa hurrengoa