www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Gore Jeinaren Ebanjelio Saintiua
Pedro Prudenzio Hualde Maio
1855

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Bertsio informatiko honen egilea: Aitor Arana Luzuriaga

 

aurrekoa hurrengoa

OGEI TA LAURGARNEN KAPITULUA

Antzinetik erraiten du Jesusek Jerusalenen eta tenpluaren desegingiua eta anunziatan du bere diszipuluer agitu biar ziona ebanjeliuaren promulgazioniaren tenpran, eta beraren bigarnen xitian. Enkargatan dabei egon tiala betik bijilanzia edo kuidamenturekin, aren bigarnen xitiak ez dazabein arrapa edo erden deskuidatruk.

 

        1. Erkinik Jesus tenplotik, faiten zen xa erabiliz, eltu zaizkionian bere diszipuluak kaso eginaraztako tenploaren fabrikan.

        2. Baya ark erran zabein: Ekustan tzeya fabrika andi kaur guziua? Bada nik erraiten daizeid ziertoki ez dela baraten artarik arririk bata berziaren gainian.

        3. Eta zegolarik gero, xaseririk olibareko mendian eltu zren diszipuluetarik zomait eta galtegin zabein sekretoki: Erran dazaiguzu, noiz egiten da kori? Eta zoin izanen da zore xitiaren señalia eta mundiuaren akabantxarna?

        4. Zoini Jesusek erresponditu zabein: Mira zazei ñork ere ez dazazeila engaña.

        5. Zeren anitxek xin biar baitei ene izenian, erraiten: Ni naz Kristua edo Mesiasa; eta seduziten dei gente anitxi.

        6. Entzunen tzei gisa berian, batallen notiziak eta gerrazko rumoriak, eziztei turba korrengatik, zeren xin biar ekunik ere antzinetik gaiza kuek, ezda oraino ere kaur akabantxa.

        7. Egia da armaten dela nazionia nazioniaren kontra, eta reino bat berze reino baten kontra; eta agiten drela peste eta gose, eta lur ikareria difrente edo anitx lekutan.

        8. Baya kaur guziua orainere ez da beizik gatxen prinzipiua.

        9. Tenpra kartan izanen zrei entregatruk majistratiuer izaiteko isaririk tormentiuetan, eta emonen daizei muertia eta izanen zrei aborritruk gente guziuenganik ene izenaren kasoz, ene diszipuluak zreilakoz.

        10. Zoinekin anitxek padeziten dei gunian eskandalo, eta eginen dra traizione bata berzer, eta ugunten dra alkar.

        11. Eta agerten dra profeta falsu numero anditan, perbertiten baitei gente anitxi.

        12. Eta biziuen inundazioniaren edo abundanziaren kausaz, otzten da anitxen karitatia.

        13. Baya persebera ledina azken ordiuarartio, kori salbaten da.

        14. Bitartio predikaten da Jangeikuaren reinuaren ebanjelio kaur mundu guziuan, testimoniotan nazione guziuen, eta gunian xinen da akabantxa.

        15. Segun kaur, ekusen tzeinian dagola establezitruk leku saintiuan abominazione desolazalia, erran ziona antzinetik Daniel Profetak (lei tzanak kaur, adberti tzala onki):

        16. Tranze kartan daudenak Judean, ezkapa tiala mendietra.

        17. Eta dagona tejaduan ez deila xatx edo sar ez deila gaiza erkitra bere etsetik.

        18. Eta erdeiten dena alorrian, ez teila utzul bere tunika edo arroparen artra.

        19. Baya ay zintan edo aztan daudenetaz, eta inesi ez deiztekenian arin egun ketan!

        20. Otoi bada, eska ztei Jangeikuari, xen inestia ez deila izan negiuan edo neskanegunian, noizta erabil baidaiteke txiki.

        21. Zeren izanen baita gunian kain terrible tribulazionia nola ez baizen izan kalakorik astian mundiuaren prinzipiotik presentiara bitartio, ez sekulare ez izanen.

        22. Eta ez balite llabur egun kurak, ñorere ezeitekian salba; baya biar dei izan abrebiatruk eskojituen amorioz.

        23. Kalako tenpran, norbaitek erraiten baidaizei: Kristoa edo Mesiasa dago kemen edo kan, ez dazazei xinets.

        24. Zeren apareziten baidra Kristo falsiuak eta profeta falsiuak, eta eginen dei alarde marabilla eta prodijio anditaz, kalako maneran, baita eskojitiuak ere, izaitian posible, eroren baizren utsian edo gezurrian.

        25. Eta ekusten tzei, antzinetik abisatu daizeidala edo erran daizeidala.

        26. Kola erran dazaizeinian ere: txezei kemen Mesiasa dagola desiertuan, ez ztei fan kara; edo berzala: Mira zazei dagola etsiaren parte barnagokuan, etzazei xinets.

        27. Zeren iñaztura erkitan den gisa iguzkiaren erkingutik eta eiztan ekusirik izan dein instante batez sargiuara bitartio, kola izanen da gizonaren Semiaren abentiua edo xitia.

        28. Eta nonnaiden egon ledin edo egon zedin korpiza, kan xuntaten dra agilak.

        29. Baya egun ketako tribulazionia igari bertan geroz iguzkia ulunten da, goikuak ez du argiten, eta izarrak eroren dra zeuritik, eta zeurien birtutiak edo ainguriuak izaren dra ikarez.

        30. Gunian apareziten da zeurian gizonaren Semiaren señalia, zoinen ekustiari lurreko iri guziuek nexar eginen dei marrakaz; eta ekusen dei xitan gizonaren Semia zeuri odei resplandezitan dein gainian poder eta majestade andirekin.

        31. Zoinek oilten tu bere ainguriuak, zeinek tronpeta sobresalitu baten soiniuara, bilten tei aren eskojitiuak, mundiuaren laur partetakuak, zeuriko orizonte batarik berziarartio.

        32. Ar zazei konparazione kaur erkinik figozko arboletik: Bere adarrak daudenian xa tierno, eta erkiten drenian ostuak, izaguntan tzei abaño dagola uda:

        33. Bada kala ere, xek ekus zinezeinian gaiza kuek guziuak, ekun zazei ziertotako xa gizonaren Semia dagola eltako abantxu; dagola xa bortan.

        34. Aseguratan daizeidana da, eztela akabaten jenerazione kaur aiketa kaur guziua kunpli dein bitartio.

        35. Zeuria eta lurra igaren dra; baya ene eliak edo itzak eztra faltaten.

        36. Baya egunaren eta ordiuaren gain edo ordiuan dela kasoz, ñork ere ez daki, ez zeuriko ainguriek ere, baizik solo ene Aitak.

        37. Agitu zena Noeren egunetan, kori bera gizonaren Semiaren xitian agiten da.

        38. Zeren kain nola dilubiuaren antzineko egunetan prosegitan baizren gizonak xaten eta edaten, bordaltuz berak eta bordalaraztan beren semer, aiketa Noe arkara sartu zen egun beriaraino.

        39. Eta ezein pensatu ñoiz ere dilubiuan ekusi zein bitartio asirik, eta arrapatu ztiola guziuer; kala agiten da gizonaren Semiaren xitian.

        40. Gunian bi gizon egonen drenetarik xunto alurrian, bata izanen da artruk edo libertatruk, eta berzia eitzruk edo abandonatruk.

        41. Egonen dra bi emazte errota batian eyotan, eta bata izanen da artruk edo salbaten da, eta berzia eitzruk, eta galten da.

        42. Bijila zazei bada xek, yaketa ez baidakizei zer orduz xinen den xen Jeina.

        43. Egon ztei xakinik, aita familiadun batek balaki zer ordutan biar zaun akometitu ladronak egonen zen seguroki bijilatan eta ezion eitzen etsia minatra.

        44. Kala bada xek egon ztei gisa berian prebenitruk, zeren ordu txikien pensatan tzeinian xinen baita gizonaren Semia.

        45. Nor pensatan tzei dela fiel eta prudente sierboa edo zerbutxaria, nombraturk edo izaririk bere Jeinaganik bere familiaren mayordomotako erreparti tzan bapanari alimentiua bere tenpran?

        46. Bienabenturatu kalako zerbutxaria, zoini xiten denian bere Jeina, erden lezaun kunplitan kola bere obligazionia.

        47. Egiaz erraiten daizeid eitzen daula bere gain bere azienda guziuaren enkomendiua edo goberniua.

        48. Baya sierbo kaur gaxto izan baledi, edo erran baleza bere biotzian: Ene nausia ez da edo ezta xiten kain fite.

        49. Eta konekin as baledi gaxki tratatra bere zerbutxari laguner, eta xatra edo edatra ordiekin.

        50. Xinen da kolako zerbutxariaren nausia orkitan eztion egunian, eta ordu txikien pensatan dionian.

        51. Eta egotxen dau ordu gaxtotan, eta emonen dau gaztigu ipokriter eta zerbutxari gaxtuer emoitan dena; kan izanen da nexar eta ortzez garraska egitia.

 

aurrekoa hurrengoa