www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Eskaraz egia
Jean Martin Hiribarren
1858

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Bertsio elektroniko honen egilea: Ales Bengoetxea. Donostia.

Iturria: Eskaraz egia, J.M. Hiribarren. E. Lasserre, 1858.

 

 

aurrekoa hurrengoa

III.
HASTETIK JAINKO BAT
BAZELA OROK SINHESTEN

 

        Hastapeneko sinhestea da lehenbiziko populu orok adoratzen zutela Jainko handi eta bakharra. Sinan eta Egiptoan ezagutua zen, gizonen jaura tzarrek hedatu arte ikusi diren hedoi itsusi, goibel eta lazkorrak. Hari esker, izan dire herri eta erresumak. Haren sinheste goibela bederen gabe, etzuketen bizirik, orok gutizien arabera egin nahiko baitzuten. On iduritzen bazitzaioten lagunen hiltzea, deusek ezin baratuko zituen. Batzuek bertzeak bezala izanen ziren, eta orok elkhar hilen zuten, edo etzen geldituko bizi bat baizen, hura hazkarrena eta azkena. Jainkoa khenduz geroz, etziteken deus on edo gaxto. Hiltzale eta ohoinei nork zer erran ziozaketen? Abereak bezala zitezken ethorkian, bizian eta akhabantzan. Bazka eta mugarri beretan zituzten alhamenak. Nork erran zer liteken holako jendea? Gaindi egin lezakete nahasdura eta lizunkeria orok. Akhabo litezke bake, laguntza eta garbitasuna. Lurra zeruan nausi bat gabe izan ditekelako orroitzapenak berak, sorrarazten du hainbertze gogoeta lazgarri, non orok ez balute erraten ere goraki badela, asmatu behar bailiteke!

 

aurrekoa hurrengoa