IRUDI XIV GARRENA

Bidegain bakarrik. Leiotik begira gogoetan dago apur bat, gero kantatzen asten da

                        I

        Oi zer gauza ederrak ikusten tutan nik,

        Zeru beltz zabalian argiez beterik,

        Agertzen zaizkit neri izar bi pollitak.

        Elkarri su begiez ematen musuak.

                        II

        Zeruko bi esposak lurrari begira,

        Dirdir egiten dute mendian beera,

        Bat bertzien ondotik beti an dabiltza,

        Bainan begiz bakarrik, ek dute bihotza.

                        III

        Eguna etortzian, or dire gordetzen

        Zeren egun argiak baititu estaltzen.

        Bainan ek ixilikan zeru mortuetan

        Elkar dute ikusten beatze suzkotan.

                        IV

        Izar eiek iduri bi bihotz baziren,

        Jaungoikoak elkarrentzat eginak zituen:

        Bat, Ramon Mendizabal, bertzia Karmela,

        Elkar argitzen dute izarrek bezala.

                        V

        Naiz ondotik ibilliz zeru leizondoan,

        Izarrak ez litezke banatu musuan.

        Zeren beren musuaz denak erretuak,

        Guziak gintuzkete hurren xautuak.

                        VI

        Izarrak zauzte bada urrun bat bertzetik!

        Zuek amodiotan, banatu geroztik,

        Elkar balin bazaizte, musu batez hiltzen.

        Eta balin badire munduak ondatzen.