www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Karmela
Jean Pierre Harispe
1886

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Karmela, Jean Pierre Harizpe (Gurutze Aldabaldetrekuren eta Amaia Bonetaren edizioa). Euskal Editoreen Elkartea, 1992

 

aurrekoa hurrengoa

IRUDI VI GARRENA

 

Mendiburu, Karmela, Lehenburu

 

        MENDIBURU (sartzean)

Ez dago mendian, gizonik geiago.

Rolan han etzanik bakarrik lo dago.

Ordian azpian lagunak baditu:

Jainkoak geroan atzarriko ditu.

 

        KANTUA (urrutian)

 

                I

        An ditugu etsaiak osoki garbitu.

        Eriotze eder bat hek dute arkitu,

                Zertako unat

                Gure mendirat

                Ek etorri ziren.

        Bertzek adi zatela zer gizonak garen.

 

                II

        Ramon Mendizabalek hil zituen amar,

        Ura bezalako bat, guk ginduen bear.

                Gizon andia,

                Oso garbia,

                Guziz maitatua.

        Bazter guzietan du izen aipatua.

 

                III

        Gauak ezin du, izar pollitarik,

        Non ez duen izaten zerua garbirik.

                Gizon egiñak,

                Oso berdiñak,

                Diztiatzen dute,

        Bihotz garbi batetik izanikan aste.

 

                IV

        Karlomanen tropako, gizon indardunak,

        Mendiko bazterrean dagozi etzanak.

                Arrano belzak

                Eien ezurrak

                Argituko ditu.

        Umien bazkatzeko behartu garbitu

 

                V

        Jaingoikoa barka zazu gure etsaieri.

        Naiz gurekin gerletan berdin dire zuri,

                Zure zeruan,

                Bake goxoan

                Zutaz gozatzatzu.

        Ek berdin gu bezala zureak ditutzu.

 

        KARMELA

Or dire! or dire! Anaia guziak,

Berekin dakarzte etsaien antziak

 

aurrekoa hurrengoa