Hirugarren egimena
LEHEN IRUDIA

Bidegain bakarrik, Mendiburu kanpotik

        BIDEGAIN

Mendiburu!

        MENDIBURU

              Nere Jauna! zer nai duzu?

        BIDEGAIN

Oraindik etsaiak ikusten ditutzu?

        MENDIBURU

Ba Jauna, guziak zelaian zabaltzen

Ari dire laster.

        BIDEGAIN

                  As zaite kondatzen.

        MENDIBURU

                        I

                Bat, bia, iru, lau,

                Bortz, sei, zazpi, zortzi

                Bederatzi, amar,

                Ameka, amabi,

                Amairu, amalau,

                Amabortz, amasei,

                Amazazpi, emezortzi,

                Emeretzi, ogoi.

                        II

                Millaka geiago,

                Ezin kondatuak,

                Mendiez gorago

                Oso nausituak,

                Unat eldu dire

                Gure garbitzerat.

                Bainan ganen gare

                Ekien iltzerat.

                        III

                Orra zertan diren

                Anaiak zelaian.

                Obeki len ziren

                Mendien erdian.

                Araneder tzarraz

                Oraintxet salduak,

                Etsaien indarraz,

                Dire garaituak.

                        IV

                Loreen azpian

                Maiz dire gordetzen,

                Baratze garbian

                Ixilik gozatzen

                Suge gaixtosuak.

                Bagare urbiltzen

                Eien ao tzarrak

                Gaitu asikitzen

                        V

                Madarikatua

                Beti izan daiela!

                Lorez hantzitua,

                Sugea bezala,

                Etortzen zaikuna

                Eginez ahala,

                Ortzez gaizkiduna,

                Kentzerat odola.