XVIII. KAPITULUA

Zein maneraz behar diren itho Pasionen mobimendu ezagutzeko gaitzenak.

        Baldin ez bazare oraiño kostumatu, pasienki sofritzen hitz-minak, afruntuak, eta bertze mundu huntako, penak kostuma hau ardiets dezakezu, hek guziak, arribatu baiño lehen, zure izpirituari presentaturik, zure burua urrhundik eta aiñtziñkar preparatzen duzula, hauk errezibitzera. Noiz eta ere beraz etsaminatu baitukezu, nolakoa den, zu gehienik tormentzen zaituen pasionea; goardia eman behar diozu, nolako presunekiñ duzun egiteko, zeiñ lekhutan, zeiñ okasionetan maizenik aurkhitzen zaren: horra nola ezagutuko ditutzun, gerta ahal dakizketzun gaitz guziak.

        Baldin arribatzen bazaitzu ustekabeko malhurik edo gerthakaririk, zure prekosioneak hartu izana aiñtziñetik, hunelako mortifikazionen eta sofrikarien kontra, handizki baliatuko zaitzunaz. Bertze alde, huna oraiño moien bat hunelako akzidentak ariñduko darozkitzuna. Stropuz erran darotzuten hitz min batez: edo iguriki gabeko sofrikari batez, zure burua mobituxea sentitzen duzun pontutik; zaude erne eta atzarria: ez utz zure burua xagrinatzera: duzun artha zure bihotza berehala Jaiñkoa gana altxatzeaz, eta konsidera zazu malhur hura dela Zerutikako ontasun bat, Jainkoak berak, haiñ ona den Aita hark, zu hobeki garbitzekotzat, eta berekiñ hertsikiago yuntatzekotzat, moien bat bezala, egortzen darotzuna: eta orhoitz zaite, Jainkoak har dezaken plazer handienetarik dela, haren amorea gatik, nahigabe dorphenak bozkariorekin sofritzen zu ikhustea.

        Itzul zaite ondoan zure buruaren kontra, eta egiñ diotzotzu merezi ditutzun erreportxuak. Haizen bezalako gogo urria eta laxoa! haiñ kuraie guti duk bada, non eziñ yasan baitdezakek Gurutze bat, zeina heldu baitzaik, ez presuna horren ganik, baiñan hire aita zerukoa ganik? Gero beha diozozu gurutze hari berari; eta errezibi zazu, ez xoillki humilltasunekin, baiñan oraiño alegeraki, diotsozula: o Gurutze, Probidenzia dibinoak, ni mundura gabe enetzat preparatua zadukana! Gurutze! Jesus gurutzefikatuarentzat dudan amodiak, sensuen plazer guziak baino, gozoago errendatzen darotana! Zuri bihotzez lotzen natzaitzu; Zure medioz yunta ahal nadintzat, zure besoetan Bizia galdurik, erosi izan nauen, Jesus berarekin.

        Ordean baldiñ pasioneak bere-hala hartarañokoan nahasten bazaitu non ematen baitzare, zure izpiritua Jaiñkoa gana altxatzeko estatutik kanpoan eta baldin zure bihotza kolpatuxea sentitzen baduzu ere, begirau-tzu, ez utz urhunago goatera: eta zure barenean zeiñ nahi den kalte egiñ darotzun; ez zaitezela geldi zure ahal guziak egitetik, hura garaitzekotzat, hortakotz galdetzen ditutzularik, su eta karrekiñ, zeruko laguntzat. Ezen goardia ungi: pasionen lehenbiziko saltoak arrastatzeko moienik segurenak, hekin kausa khentzera goizdanik entsaiatzean datza. Ezagutzen baduzu, konparazioñera, zenbait gauzari sobra yosia izanez, koleran sartzen zarela, zure inklinazioneak trabatzen dauzkizuten, aldi guzietan, hauts azu amodio hori, eta izanen zare bethi sosegu perfet batean.

        Baiñan baldin zure bihotza khexatua sentitzen baduzu, ez zenbait objet agradarrientzat duzun amodioa dela kausa, baiñan zeren duzun eziñbertzezko higuintza bat presuna batentzat, zeiñaren baitan ez baituzu deus onik, ez ungirik aurkhitzen; zeiñaren obra guziek bihotza gaxtatzen edo erreboltatzen baitarotzute: gaitz hunen erremedia da, (eziñbertzezko herra hunen despit) presuna hura maitatzeko, zure ahalen egitea; ez xoillki zeren den, zu bezaiñ ungi, Jainkoak bere eskuz formatua, eta Jesus-Kristok bere Odolaz erosia; baiñan zeren, haren eskasak eztitasunekiñ yasunez, zure burua errenda ahal baitezakezu Zeruko Aitaren iduriko, zeiñak guziak maite baigaitu, eta guziei ungi egiten baitaroku, berez gunerik edo diztinzionerik gabe.