www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu Kristoren ebanjelio saindua
Joanes Haraneder
1740, 1990

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu Christoren evangelio saindua, Ioannes de Haraneder (Patxi Altunaren edizioa). Euskaltzaindia, 1990

 

 

aurrekoa hurrengoa

J. JAUNI APOST.
HIRURGARREN GUTHUNA

 

I. KAP.

        1 Aphezak ene Kaio maiteari, egian maite dudanari.

        2 Ene maitea, othoitz egiten diot Jainkoari bain ungi izan zaitezen zure egiteko guzietan eta bai zure ontasunean, nola baitzare zure arimari darauntsoten gauzetan. 3 Bozkario handi bat izatu dut ethorri izan direnean anaiak eta lekhukotasuna errendatu dutenean zure egiazko jainkotiartasunaz eta egiaren arauera ibiltzeko duzun lehiaz. 4 Bozkario handiagorik ez dut ezen aditzeaz baiño ene haurrak egian dabiltzala. 5 Ene maitea, giristiño leial bezala egiten duzu anaien alderat egiten ditutzun gauza guzietan eta are lekhortarren alderat egiten ditutzunetan, 6 zeiñek lekhukotasuna errendatu izan baidute zure karitateaz Eliza guziaren aitziñean, eta ungi eginen duzu hek gidatzeaz eta laguntzeaz bere biyaiean Jainkoari dagokon maneran. 7 Haren izena gatik ezen abiatu izan dire, deusere hartzen ez dutela jentilletarik. 8 Halatan beraz guk behar ditugu ungi errezibitu halakoak, parzuner izan gaitezen gatik egiarentzat hek egiten dituzten gauzetan.

        9 Eskribatuko nioken bada Elizari ere, baiñan hekien artean nausitasuna erabiltzerat aiher denak, Diotrefek, ez gaitu errezibitu nahi. 10 Horri dagokala baldin heldu banaiz horrat, erakutsiko diot zein gaixki egiten duen hizkuntza gaixtoz erasteaz gure kontra; eta hori aski ez balu bezala, berak ez ditu errezibitzen anaiak, eta errezibitu nahi dituztenak debekatzen ditu eta Elizatik kasatzen. 11 Ene maitea, ez dezazula imita gaixki dena, bainan bai ungi dena. Ungi egiten duena Jainkoa ganik da; gaixki egiten duenak ez du ezagutzen Jainkoa. 12 Demetriori lekhukotasuna errendatzen dio mundu guziak eta bai egiak berak ere; bada guk ere errendatzen diogu, eta badakizu gure lekhukotasuna egiazkoa dela.

        13 Hainitz gauza banituen zuri eskribatzeko, baiñan ez dut egin nahi izatu tintaz eta plumaz, 14 zeren esperantza baidut sarri ikusiko zaitudala, eta orduan mintzatuko gare bekhoz bekho. 15 Bakea dela zurekien. Salutatzen zaituzte adiskideek. Saluta zatzitzu gure adiskideak zeiñ beregain.

 

aurrekoa hurrengoa