www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Au, ori ta bestia
Jose Manuel Etxeita
1913

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Au, ori ta bestia, Echeita'tar Joseba Imanol.  Florentino Elosu, 1913

 

 

aurrekoa hurrengoa

POZEZ ETXERATUBAK

 

                («Jayoterri Maitia»n)

 

Agur maite doguzan aitamatxuak,

Aide guztijak eta geure auzuak;

                Alaigarrijak

        Daukaz negarrez gure begijak;

                Toki onetan,

        Mendi ta baso zugaztzubetan;

                Zorijonian,

        Ona emen gu bake-bakian,

        Bijotzetako erri maitian.

 

Agur Ardibasoko ardi-tokija,

Geure bijotzetako zoragarrija;

                Zeugandu gara,

        Erririk lastanena zeu zara;

                Ludi onetan,

        Beti zagoz gure bijotzetan;

                Maitagarrija,

        Amesetako jayoterrija

        Asabaen gomutagarrija.

 

Urriñ ibilli arren geure lanetan,

Euskalerrija geunkan guk bijotzetan.

                Zein pozgarrija!

        Ikusten gagoz geure errija;

                Etxe ta mendi,

        Mendijetako ainbeste ardi;

                Zelai ederrak,

        Eta erreka garden-gardenak,

        Bijotza pozez jarten dabenak.

 

Agur Tontormotz eta beste mendijak,

Zeuben begira dagoz gure begijak.

                Asaberrijan,

        Gomuta ixan dogun tokijan;

                Atsegingarri,

        Ardijak dakuzkuz ain ugari;

                Zein gogargija!

        Zorijoneko jayoterrija,

        Zuretzat dogu geure bixija.

 

aurrekoa hurrengoa