www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Noelak
Joanes Etxeberri, «Etxeberri Ziburukoa»
1630, 1645

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Noelak (eta kantika espiritual berriak), Ioannes Etcheberri Ziburukoa (Lino Akesoloren edizioa). Sociedad Guipuzcoana de Ediciones y Publicaciones, 1970

 

aurrekoa hurrengoa

Iainko Semearen orenak

ORZEGUNEKOTZ

eta haren besta guztitakotz

 

Iainko Seme, enegatik

gizon egin ziñena:

ezin bihur diezakezut

laudorio zuzena.

 

Gizonaren obra gabe

Zu konzebitu ziñen,

eta Eguberri gauean

Betleenen sorthu ziñen.

 

Zortzigarren egunean

ziñen zirkunzidatu,

handiks arri erregeek

humilki adoratu.

 

Iaioz geroztik berrogei

egun baten buruan,

burasoek presentatu

zinituzten tenpluan.

 

Handitu eta iuduak

zitzaizkitzun bekhaiztu,

inbidiaz ziñituzten

gurutzera altxatu.

 

Hiltzeko bezperan egin

zinduen othuruntza,

Apostoluei ianhari

eman zeure gorputza.

 

Bazko egunean piztu

zinen hillen artetik,

zeruetako bidea

arimei libraturik.

 

Salbatore egunean

igan ziñen zerura;

iuatzera ethorriko

zare berriz mundura.

 

O Iainko Semea, arren,

Aitaren aitziñean

zaren ene ararteko

herstura eta menean.

 

aurrekoa hurrengoa