EGUBERRI-GAUEKO
ADORAZIONEAREN GAÑEAN

NOELA

Kristauak, iaiki gaiten

guztiok ohetarik,

eta Elizara goazen

boz eta allegerarik.

Aingeruen kantuek

gaituzte gonbidatzen,

artzaiñen maniurek

lotarik iratzartzen.

Guztiok iar gaitezen

lurrean belhauriko,

sorthu den Aurtxoari

ohore emateko.

Agur, zeru-lur eta

izarren primutxua,

Zu aithortzen zaitugu

kreaturen Iainkoa.

Zerutik iautsi zare

mundua salbatzeko,

hargatik zaitzu beraz

ohore emateko.

Arren, ada, ohorea,

Zuri darotzoguna,

gogo onez errezibi

zazu, othoi, Iaun ona.

Ordañez egiguzu

Zuk halaber grazia:

zure sortze sainduaz

ungi gaiten balia.

Lurrean bakez geure

bizia pasatzeko,

eta fiñean zure

gloriaz gozatzeko.