www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Manual debozionezkoa
Joanes Etxeberri, «Etxeberri Ziburukoa»
1627, 1669

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Manual devotionezcoa edo ezperen oren oro escuetan errabilltçeco liburutchoa, Joannes Etxeberri (faksimilea). Hordago, 1978
Azken berrikustea: 2006-06

 

 

aurrekoa hurrengoa

BURU XIII

 

Edozein Sainduren Arrosario komunari
hurbilltzenago zaionaz

 

        Abisua

 

        Nola Sainduen bizitzean baita hastea, erdia eta fiña, hala hekin Arrosarioak diferenzia hekin eredura, hirur partetan erraxki berez daitezke.

        Eta nola biziaren lehen partea deitzen baita gaztetasuna, berzea gizatasuna: Halaber Arrosaio edo misterio gaztetasunekoak, gizatasun edo adin onekoak, eta zahartasunekoak deit daitezke, misterio edo obra on Sainduak egin tuen eta perfekzione izatu tuen denboren ereduz.

        Baldin eta gaztetasunean hasi bazen Sainduki bizitzen, nola Iesus Kristo, Birjina Ama, Iaun doni Ioanes, &c. Misterio lehenak gaztetasunekoak erranen diren propioki. Baldin eta ia adinetan sarthurik nola Magdalena ez hain propioki.

        Guztiarekin metaforaz sainduki eraman zuen denboraren lehen partea, deit daiteke gaztetasuna: ondokoa, adin ona: azkena, zahartasuna, diferenzia hauk Saindu guztien arrosariotan zein bere moldez begiratzeko.

 

Sainduen Arrosarioaren exenplua

 

        Arrosario lehena

 

        Saindu bizi ona Iaunari agindua, ardiats diezadazu grazia, niri ere halaber bizi ona fermuki hari agintzeko.

        Saindu promesen obraz konplitzaillea, ardiats diezadazu grazia halaber neure hitzen konplizeko.

        Saindu berthuteei iarraikia, ardiats diezadazu grazia, halaber ni ere berthuteei iarraikitzeko.

        Saindu bizioa gaitzetsia, ardiats diezadazu grazia, bizioen gaitzetsteko.

        Saindu perfekt errendatua, ardiats diezadazu grazia perfekzionea billhatzeko.

 

        Bigarren Arrosarioa

 

        Saindu mirakulluak obratua, ardiats diezadazu grazia, obra onak egiteko.

        Saindu ontasunetan irauna ardiats diezadazu grazia ontasunetan irauteko.

        Saindu karitatez munduaren gana usatua, ardiats diezadazu karitatea.

        Saindu bizitze espiritualaz arthatsua, ardiats diezadazu halaber grazia ni ere hartzaz arthatsu izateko.

        Saindu berthuteen exenplua, ardiats diezadazu grazia zure imitateko.

 

        Hirurgarren Arrosarioa

 

        Saindu hilltzera ungi preparatua, ardiats diezadazu grazia, hilltzera ungi preparatzeko.

        Saindu grazian partitua, ardiats diezadazu grazia halaber grazian partitzeko.

        Saindu Zerura igana, ardiats diezadazu grazia Zerura igateko.

        Saindu gloriaz gozatzen zarena, ardiats diezadazu grazia halaber ni ere gloriaz gozatzeko.

        Saindu lurrekoen arartekoa, ardiats diezadazu grazia zure digneki othoizteko.

 

aurrekoa hurrengoa