DEDIKAZIONEA

Iaun noble, Bertrand de Etxaus

Sorbonako doktor iakinsun

Tursko arxiphizpiku digne,

Erregeren predikari famatu,

& konseiller zuhurrari

Damu nuke, o Iaun Etxaus

Nere iabe noblea

Eta Franziako prelat,

Guztien ohorea

Ez zuri dedikatzeaz

Neure obren goihena,

Denaz gero exenplu,

Berthute ederrena.

Halako ezaguturik

Du gurre erregeek,

Hautatu zaituzte bere

Konseillari nobleek.

Egiteko gaitzenetan

Zutzaz dire gidatu,

Zure adimendu onaz

Askotan progotxatu.

Zuk Franziako eliza

Darokuzu altxatzen,

Zuk gure Eskal herria

Ohoretan ematen.

Hala zuri zordun zaitzu

Franzia famatua,

Zuri zordun Eskal herri

Nihork ez garaitua.

Bereziki ni natzaitzu

Zeren eta zureaz,

Konfirmatua izatu

Bainaiz esku emeaz.

Nerori anaia aurgarren

Buruko tenpluan,

Zenetarik bizi bainaiz

Bigarrena munduan.

Errezibi zazu arren

Ene obra aphurra,

Zeña baita deus gutia

Dagotzun eredura.

Eta adizazu Dabid

Gure eskaraz kantatzen,

Maniureaz dioela

Bozari ihardatsten.

Askok ohoratu zaitu

Zeure orientean,

Nik aldiz egiten zaitut

Orain okzidentean.

Zure berthute handiak

Gerotik geroago,

Zergatik baitire eder

Eta arraitsuago.

Eztezazula mezpreza

Othoi borondatea,

Zutzaz dignea ez izan

Arren obra enea.

Bañan preza zazu zeren

Egina den Eskaraz,

Aita Tubalen baitharik

Dugun hitzte zaharraz.

Esparanza dut eginen

Hala duzula, Iauna,

Zeren iaiatzez baitzare

Zu ere eskalduna.

Ezen dakizun bezala

Eskaldunak, zaharrek,

Kanten maitatzaille deithu

Zituzten erromarrek.

                Ioanes Etxeberri, dotor theologo Ziburutarrak